海濱成公園，后湖人仾問。垵海隨人去，各人的意思。
中路南北線，有狹亦有闊。船遠人顧看，近涌拍相疊。
抵罾看著頭，閘網等退流。踏水拍拼滂，海釣船出動。
沙遂掊矣掊，海風吹矣吹。水蚶刮矣刮，倒退掄拖逝。
講是囡仔癖，見沙坐咧搤。吩咐囡仔囝，大人則起行。
大遍的沙埕，閣再揣一跡，沙面相空目，掊著無阿差。
厚矣大細粒，雙手相賽捷。大粒抾入籃，細粒放生啦！
偌掊偌咧呾，泗湖撓喳喳。好骹數出工，停看邊仔人。
摳削沙雕巧，故事則發表。沙濟好勢抦，舀水來加添。
中國八卦陣，外國出戰神。主題隨人想，齣頭無相樣。
看矣誠心適，評審出第一。百項褿看完，順行沙坡線。
螺蚶賰空殼，抾屹來相捌。行矣遠溜溜，耍頭喝戽休。
海景亦咧想，水堀等洗手。熱天公園在，歌聲出東海。
后湖講烏礁，涌來四踅攀。賽勇拚暗流，提命作交割。