「阿母，妳毋捌字擱誠家婆，我讀冊的事志毋免妳管啦！」貓仔馬俊不屑地說。
　　「讀冊著認真啦！」跛跤膨豬怒斥著，「一張分數單攏總是紅字，我誠替你見笑喔！」
　　「這種事志袂使怪我的啦！我嘛有認真咧讀。但是老師考卷出了真奇怪，我讀過的，伊毋出；我讀無著的所在，伊偏偏出規大張。阿爸，你講看覓，出這種題目的先生，伊頭殼有歹去無？」貓仔馬俊解釋著說。
　　「頭殼歹去的人毋是先生、是你啦！」跛跤膨豬氣憤而高聲地，「好的毋學，冊擱毋讀，數想做大哥、抾死鱟，世間無這款事志啦！」
　　「你這個夭壽袂好的跛跤膨豬，你咧大聲啥物？馬俊是我的心肝囝，你知影無？」一旁的秋月竟罵起他來。
　　「囝兒若毋教示，會害死伊啦！」跛跤膨豬依然大聲地。
　　「憑你跛跤膨豬，毋捌字兼無衛生，會教囝？我才毋信！」秋月挖苦他說。
　　「恁老母較好咧，若無恁這對母仔囝，恁爸這世人袂赫爾歹命啦！」跛跤膨豬心有不甘地瞪了她一眼。
　　「跛跤膨豬，你共我聽予好，阮囝馬俊若予蠓仔叮到，你著無好日子通過！」
秋月警告他說，「你若毋信，共恁祖嬤試看覓！」
　　跛跤膨豬沒理會她，逕自走向一旁，心中則暗罵著：「欠人操的 查某！」
　　「阿母，妳毋通氣歹心命，嘛毋通佮阿爸相罵。其實阿爸講的嘛有道理，伊是為我好啦。」貓仔馬俊安撫她說。
「若無阿母通予你做靠山，你毋知啥物時陣會予這隻跛跤老猴活活打死！」
秋月咬牙切齒地說。
「袂啦，袂赫爾嚴重啦！講實在的，阿爸每日攏佇田內咧拍拚，倒來厝擱著煮粥予咱食，又擱著共咱洗衫褲，實在誠艱苦。」貓仔馬俊看看她，竟大膽地說：
「認真講起來，阿母妳上好命，一日閒閒無事志妝 ，又擱定定走去碉堡揣赫兵仔開講，實在誠好命！」
　　「嫁著這隻跛跤老猴，有啥物好命的！無管床頭床尾、人才錢財，伊比袂著副連長佮副村長啦！」
　　「阿母，定定聽妳講起副村長，伊是啥物人？」貓仔馬俊好奇地問。
　　「無啦，無啦，想到講到，講歡喜的啦！」秋月發覺口誤，趕緊轉變話題說。
　　跛跤膨豬隱隱約約地聽完他們的談話，暗中罵了一聲：「袂見笑的臭查某，恁娘較好咧！」
第四章
為了交出好成績，貓仔馬俊並非認真聽課或用功讀書來爭取，而是試圖以作弊來獲得。當其不當的行為被監考老師發覺時，他非僅不承認自己的過錯，反而以粗暴的語言辱罵老師，並當著同學的面高聲咆哮，威脅老師要小心。訓導處找出他之前打架滋事的案底，復加上此次作弊又辱罵老師等重大情節，被記兩大過後勒令退學。即使跛跤膨豬早已料到會有今天，但面對這個不爭氣的了尾仔囝又能奈何？
「我早著共你講過，著認真讀冊將來才有前途。你今仔日會無冊通讀，是你該己造成的，毋通怨別人。」跛跤膨豬感傷地說。
「退學就退學，無啥物大不了的事志，我老早著無想欲讀啦！該己若拍拚，無讀冊照常趁大錢。」貓仔馬俊豁然地說。
「有志氣！」跛跤膨豬不屑地挖苦他說：「將來這個鄉里就看你啦！」
「我袂予恁漏氣啦！」貓仔馬俊信心十足地說。
「明仔日起，你跟我來去山作穡。」跛跤膨豬看看他說。
「跟你去山作穡？」貓仔馬俊重複他的語氣，而後冷笑了一聲，「阿爸，我是中學生、毋是青瞑牛呢，叫我跟你去山作穡，敢袂傷離譜？」
「靠三字中學生，敢食會飽？」跛跤膨豬反問。
「你放心，我會去揣頭路，袂佇厝內食死粥啦。」
「恁爸共你看出出的！」跛跤膨豬不屑地。
「阿爸，你毋通看我無通起，毋免擱一年半載，咱鄉里的天下，著看我楊馬俊啦。」
「臭彈無犯法啦！毋通規身軀死了了，賰彼支喙抑末死。」
「毋佮你講啦！」貓仔馬俊不耐煩地，「佮恁這老歲仔講話，實在連工煞了；若是擱講落去，無氣死嘛氣半命。」
對於貓仔馬俊種種不當的行為，即使跛跤膨豬有心要予以糾正和管教，冀望他能步上正軌，但有點神經質的秋月卻經常橫加阻撓，甚至動不動就大吵大鬧，說些不入流的話，除了讓村人看笑話外，跛跤膨豬又能奈何？尤其經常以「伊毋是你生的，你就拍伊、罵伊，共伊苦毒。」更讓他難以接受。
「跛跤膨豬，你共我聽予好，我王秋月今年才四十出頭歲，你已經欲六十啦，無伊法啦！有一日你若予恁祖嬤袂爽，我著佮馬俊搬出去，予你這隻跛跤老猴無依無倚，做一個孤單老人。」秋月警告他說。
「恁出去，恁緊搬出去！恁爸無咧稀罕！」跛跤膨豬激動地，「若毋是受到恁母仔囝的拖累，恁爸這世人會擱較快活，無咧數想恁來飼我啦！」
「講有定無？」秋月指著他問。
「若憑恁母仔囝這種跤數，只要行出我楊家大門，若無枵死，也會去做乞食！」跛跤膨豬不屑地說。
「大不了我共馬俊送還副村長，憑我秋月仔這種範勢，若是欲擱嫁、毋免驚無人欲。」秋月得意地，「我共你講實話啦，營部連彼個副連長真佮意我，伊講我若是欲佮伊相好，伊欲帶我去台灣食蓬萊米、食香蕉、食鳳梨，會予我快活一世人，比嫁你這個跛跤翁好萬百倍。若是有一日我跟伊去台灣食蓬萊米，你毋通怪我哦。」
「我會祝福妳，一定袂怪妳。講實在的，若是誠實欲跟彼個副連長去台灣，親像妳這款貨色，穩當予人賣去妓女戶趁食。秋月啊，睏罔睏，毋通陷眠較無蠓啦！」復又說：「妳敢毋知影，較早佮妳相好的彼個副村長，已經去蘇州賣鴨卵啦？」
「啥物，你講副村長已經死去啦？」秋月訝異地問。
「妳敢有想欲去哭苦？抑是欲叫馬俊去共伊舉幡仔、做孝男？」跛跤膨豬諷刺她說。
「你去死啦，夭壽填海！」秋月瞪了他一眼，「你想看覓，我嫁你十外年，佮你睏幾仔千暝，予你創幾落百遍，結果我的腹肚還是空空無半項。跛跤膨豬啊，是你不中用，毋是我王秋月袂生。若毋是彼年副村長共我拖去防空洞，你今仔日敢有通做便老爸？跛跤膨豬啊，你著感謝伊啦！我今仔日老老實實、坦坦白白共你講，副村長對我來講已經無稀罕啦！營部連彼個副連長，比副村長擱較少年，擱較有力，功夫擱較好。伊碉堡內彼張眠床，鋪蓆擱鋪毯仔，倒落去攏嘛無想欲起來，佮伊睏做夥，實在有夠爽的。」
　　經過秋月如此地一說，跛跤膨豬竟一時無言以對。久久，始搖搖頭喃喃自語地說：「查某若袂見笑，啥物潲攏嘛講會出喙，娶到這種查某，這世人注定會衰潲啦！」
　　然而衰潲歸衰潲，真正衰潲的事情終於發生了，秋月竟真的跑了，目的地當然是台灣，可是她並沒有把貓仔馬俊一起帶走。而安排她走的以及幫她打理一切的，絕對是營部連那個副連長。村人再怎麼思、怎麼想，也想不到一個既花螺又擱三八的 查某，竟還有人要，竟還有人來誘拐她、騙走她。歸根究底，這種戇直的查某較好騙，她貪圖的是一時的享受，不懂得羞恥為何物。從她念念不忘那個曾經與她相好過的副村長，從她公然地誇讚副連長少年、有力、功夫擱好，即可看出端倪。而一個長年離鄉的老北貢，卻又置身在枯燥乏味的軍營，在成家心切與身心寂寞的使然下，只要有女人和他溫存就好，管它是神經或三八，管它是美麗或醜陋，管它是不是有夫之婦或是良家婦女，能騙就騙，能拐就拐，先把她騙走拐跑再說。　　
　　可是秋月到底是怎麼走的呢？憑一個副連長就能把她帶走麼？在以軍領政與戒嚴軍管之下，想必其背後必有高人指點、亦有大官撐腰。縱使跛跤膨豬已看透這個 查某，根本不想要她，甚至心中很坦然，走就走吧，沒有什麼可惋惜的，未來沒有這個三八婆擾亂，他的生活反而會過得更清靜、更愜意。但好心的村人還是透過各種管道四處打聽，看看是否能把她找回來，讓跛跤膨豬和孩子有一個完整的家。甚而也必須讓軍方知道此事，把那個誘拐人家老婆的副連長繩之以法，如此，才有公理。然而村人是白費工夫了，在官官相護與軍方不願擴大事端的使然下，始終沒有任何的結果。從此之後，跛跤膨豬沒有老婆了，貓仔馬俊沒有阿母了，部隊也移防到台灣了，凡此種種都是不爭的事實，跛跤膨豬想不衰潲也難啊！
　　儘管跛跤膨豬娶到這種三八、烏肚番、卻又讓人搞大肚子才來嫁給他的老婆感到衰潲，結婚多年來更是吵吵鬧鬧沒有一天安寧，可是每到夜晚，總算還能享受夫妻間的魚水之歡，讓他壓抑的性慾有發洩的管道。如今秋月跟兵仔跑了，即使耳根清淨不再受氣，但他還是覺得有老婆比沒有老婆好，難怪副連長要把秋月拐跑。然而，其親友則有不一樣的看法，像秋月這種好吃懶做的「荏懶查某」，只會拖累跛跤膨豬，與其留在身邊受氣，還不如就此做一個了斷。而副連長的目睭確實「去予蜊仔肉糊著」，跟秋月這種女人生活在一起，絕對沒有好日子過。唯一的，或許是不必再到軍樂園買票解決性事，其他，卻是一無是處。反觀跛跤膨豬，雖然是徹底地解脫了，但是，他不知要花費多少心血，才能把馬俊這個孩子撫養長大、教育成人。　　
　　秋月剛跟副連長跑時，跛跤膨豬委實難以接受，他之於會如此，終歸一句話是感到「見笑」。在他單純的想法裡，或許，世間沒有比老婆跟人跑更齷齪的事了。倒是貓仔馬俊一副無所謂的樣子，甚至不斷地安撫他說：
　　「阿爸，阿母跟人走就走，從今仔日起，我袂擱認伊做老母。這種放翁放囝跟兵仔走的查某，毋值的咱尊敬佮數念啦！」貓仔馬俊說。
　　「你講的無毋著，伊跟人走、走伊的，咱粥照食、穡照作。無這個 查某，咱會擱較快活！」跛跤膨豬雖然這麼說，內心還是有無限的感慨，「馬俊啊，你著好好記的，你已經是一個無母的囝仔啦，今後著聽我的話，著認真搰力去拍拚，才袂予人看衰潲！」
　　「阿爸，你這話我聽誠濟遍啦，我共你保證，這世人袂予你漏氣啦！」貓仔馬俊依然信心十足地說。
　 然而，貓仔馬俊被學校退學後，又面臨母親跟人跑的窘境，是否真能「認真搰力去拍拚」，還是把跛跤膨豬的話當成耳邊風？誠然，社會是一個大染缸，但事在人為，俗話說：「浪子回頭金不換」，貓仔馬俊如果能記取教訓、徹底醒悟，必可如他所言，袂予跛跤膨豬漏氣。倘若我行我素、不知悔改，依然遊手好閒、不務正業，在外惹是生非，勢必會讓跛跤膨豬感到失望和痛心。
　　在求職無門與四處碰壁之下，貓仔馬俊終於不得不以中學生之姿，到一家汽車修理廠當學徒。雖然每月只有幾百塊零用錢，但能學得一技之長，往後不愁沒飯吃。俗諺云：「賜子千金，不如教子一藝」，跛跤膨豬更是樂觀其成。彼時無論那一種行業，學徒必須三年四個月始能出師。而初入師門，大部分都是打打雜，或做些較粗重的工作，抑或是讓師傅大聲小聲呼來喚去，根本學不到什麼技藝。就以修車廠來說，即使入門已有一段時間，但也只不過是卸卸車輪、補補輪胎，或幫師傅拿拿零件，做些簡單粗重的工作。引擎蓋裡繁雜的構造，非僅不能讓他們擅自動手，甚至其名稱、構造、用途……等等，師傅也不會在短時間內輕易地傳授給他們，徒弟們只好站在旁邊看，豈敢任意地問一聲或擅自地動一下。
　　對於這種枯燥乏味、滿身油垢的修車學徒，自認為不得了的中學生，卻又未曾吃過苦的貓仔馬俊，豈能做得下去。在他的想像中，以為修理車就像開車那麼簡單，殊不知一位老練的司機，只能排除簡單的故障，並不一定是一位修車能手。故而，要瞭解一部車子的性能，或檢查出一部車子的毛病，除了長久的摸索與經驗的累積外，並非在短時間即可練就的。公子哥兒型的貓仔馬俊，焉能有如此的能耐，願意屈就被稱為是黑手的修車學徒。
　　「阿爸，我這個中學生，實在無適合做黑手。規身軀油垃垃無打緊，逐日鼻赫油煙味，鼻過後攏嘛欲吐仔欲吐，我看鼻久一定會破病。阿爸，我毋擱去修理廠學師仔啦！」貓仔馬俊告訴父親說。
　　「少年人做事志，毋通虎頭鳥鼠尾。」跛跤膨豬不認同地說。
　　「阿爸，你安心啦，我會擱去揣別項頭路。」貓仔馬俊說後笑笑，復以國話輕鬆地說：「留得青山在，不怕沒柴燒！」
　　跛跤膨豬搖搖頭，微歎了一口氣，並沒有多加理會，對這個孩子，似乎也不敢寄予厚望，離開修理廠，貓仔馬俊四處遊蕩了好些日子，竟又突發其想。
　「阿爸，我決定欲來去做小工、學做土水。」貓仔馬俊依然信心十足地告訴父親說：「這陣時機無仝款啦，共匪已經袂擱拍砲，誠濟人攏咧起新厝，這個行業將來一定會大趁錢。起初從小工做起，毋免兩三年，著會使該己做師傅，毋驚無錢通趁。」
　　「講的較緊啦！」跛跤膨豬不認同地，「若是毋捌想、袂食苦，永遠袂寸進。