然而孩子是否真變乖了、懂事了呢？此時下定論未免太早了，它必須經過歲月的考驗和時光的沈澱。果真不久，孩子竟在父親的面前抽起香煙來了。
　　「你食薰？」跛跤膨豬訝異地問。
　　「厝頭家送的啦，毋免錢的。」貓仔馬俊說。
　　「毋免錢嘛毋通食，古早人講：『囝仔人食紅薰會黑心肝』，對身體無好。」跛跤膨豬開導他說。
「我已經大漢啦，一支半支袂要緊，食趣味的啦。阮師傅攏嘛一支煞一支，伊已經六十外歲，身體抑擱勇佫若鋼的，伊的心肝嘛無黑。」貓仔馬俊辯解著說。
「這種歹習慣，上好共伊改掉。」
　　「做工仔人誠濟攏嘛食薰擱淋燒酒。」
　　「佇外口做工，毋通好的學無著、先學歹的。若是按爾著去了了啦。」
　　「放心啦！阿爸。你毋通袂記的，我是中學生呢，誠濟做工仔人攏嘛毋捌半字，我袂予伊牽歹去啦！」
　　「捌字的予毋捌字的牽歹去，佇這個社會誠濟，你該己著注意。錢銀趁濟趁少另外一項事志，毋通予序大人煩惱才是真的。」
　　「我知影啦。」
　　從貓仔馬俊與跛跤膨豬的對話中，或許，孩子確實已長大了。然而他是否能在這個現實的社會脫穎而出，成為一個稱職的土水師？還是會誤交損友，受到那些狐群狗黨的影響而再次地惹事生非？一切端看他自己的定力和造化了……。