「我有一個誠好的朋友伊老爸過身去啦，伊兜實在真艱苦，老母又擱破病倒咧眠床頂，連共伊老爸買棺材的錢攏無，實在有夠可憐。」貓仔馬俊低聲細語，一副可憐的模樣，而且臉不紅氣不喘，試圖以美麗的謊言博取父親的同情。
　　「我身軀邊哪有赫濟錢，別人欲借錢的事志毋通揣我。」跛跤膨豬一口拒絕。
　　「阿爸，我彼個朋友知影你有錢、心肝擱好，才會拜託我共你講，請你共伊湊相共。」貓仔馬俊繼續求情。
　　「一萬箍、一萬箍，一萬箍毋是咧滾笑的，你敢知影？」跛跤膨豬面有難色。
　　「阿爸，逐個人攏嘛知影你有錢、心肝擱軟。講實在的，別人若有困難，共人湊相共也是功德一件，到時會得到好報應。」
　「伊啥物時陣欲還？」貓仔馬俊的謊言，終於讓跛跤膨豬心動。
　　「阮朋友講伊老爸出山彼日，伊的親情朋友會包禮共伊湊鬧熱，到時伊會用赫禮金來還這筆數。」
　　「我來去算看有夠無啦！」跛跤膨豬無奈地搖搖頭，不禁感歎地對貓仔馬俊說：「可憐喔，老爸倒咧廳邊無錢通買棺材。馬俊啊，你著爭氣、捌想，擱勤儉哦，毋通有一日恁爸若死去，你才四界去借錢共我買棺材，若是按爾著見笑囉，也枉費恁爸飼你赫大漢的苦心。」　　
「阿爸，你放心，我絕對袂予你漏氣。」