「若親像你這款貧憚少年，我看袂佮目啦！」小莉不屑地說。
　　「我知影，妳數想欲嫁予台灣兵仔，通去台灣食香蕉，著無？」
　　「著你的頭啦！」小莉順手拿起一節記分用的粉筆，向他的頭部丟去。
　　「妳若毋嫁予台灣兵仔，嫁我貓仔馬俊嘛袂歹。」貓仔馬俊厚著臉皮說。
　　「你誠實佮意我？」小莉笑著反問他說。
　　「當然的。」貓仔馬俊肯定地說。
　　「你倒去叫恁母仔來阮兜講親情。」
　　「阮阿母老早著跟兵仔走去台灣吃蓬萊米啦。」
　　「叫恁老爸抑會使。」
　　「小莉，妳毋通騙我喔，別人毋敢我才是敢。」貓仔馬俊正經地說。
　　「我一定袂騙你，但是著叫恁老爸準備一點仔聘金。」
　　「這點無問題啦，阮老爸無啥物著是有錢。我有一個好額老爸，啥物人毋知影？只要妳敢開喙，講出一個數字，一定予恁夠、夠、夠！」
　　「貓仔馬俊，你毋通規身軀死了了，死佫賰彼支喙，靠來靠去抑是著靠恁老爸，你若是繼續按爾落去，毋免數想欲娶某啦！」小莉警告他說。
　　「小莉，我讀過中學，我有我的想法，毋是恁這小學讀無畢業的人會瞭解的。」貓仔馬俊神氣地說。
　　「夭壽喔，原來你貓仔馬俊是中學生，真是了不起哦，算我有眼無珠。」小莉挖苦他說：「但是誠不幸，別的中學生攏規規矩矩佇政府機關咧食頭路，你這個中學生是咧做鰻哥。平平中學生哪會差赫濟，實在有夠悲哀的！」
　　「妳佮阮老爸仝款，愛管人、擱愛嘈嘈唸，規氣妳嫁予阮老爸做細姨好啦！」貓仔馬俊說後哈哈大笑。
　　「按爾嘛誠好啊，予你貓仔馬俊來做媒人，」小莉頓了一下笑著說：「毋拄，毋拄……。」
　　「毋拄，毋拄，毋拄啥物啦？」小莉尚未說完，貓仔馬俊搶著說。