「無？」跛跤膨豬反問他，「你去照鏡照看覓，一支喙腫佫若豬哥的，若毋是予人拍，袂赫嚴重啦！」
　　貓仔馬俊低著頭，不敢吭聲。
「你看看你今年幾歲啦，頭路毋去食，一日到暗毋是跋筊著是淋燒酒，毋是浸佇撞球間著是四界趖。」跛跤膨豬氣憤地說出重話，「從今仔日起，你毋免數想欲共我討一箍銀，有種你著該己去討趁，恁爸無彼個義務飼你一世人！」
　　「阿爸，你千萬毋通受氣，毋通氣歹心命。」貓仔馬俊低聲地安慰他，並裝成一副可憐的模樣，「等我鼻仔的傷若好，我著會去揣頭路，我袂予你漏氣啦！」
　　「你這句話我聽誠濟遍啦，我生目毋捌看著一個少年人赫爾貧憚、赫爾袂食苦！」跛跤膨豬情緒激動地，「你摸摸良心看覓，恁爸一年三百六十五日，逐日上山落海做牛做馬咧拖磨，艱艱苦苦飼你這大漢，你攏無替我這個老歲仔想看覓，一日到暗騙東騙西，存心欲共我逆死。你是畜牲毋是人啦！」　
　「阿爸，我知影你真辛苦。」貓仔馬俊依然低聲地，惟恐再激怒他，「講誠實的，毋是我貧憚，嘛毋是我袂食苦，我嘛真想欲去食頭路，但是揣來揣去攏無較適合的，請你毋通受氣啦！我共你保證，等我鼻仔的傷若好，我一定會去揣頭路，趁錢予你開！」
　　「恁爸毋是三歲囝仔，你即套騙別人會使，毋免數想欲騙恁爸！恁爸共你看出出的，你這世人若是會改過，恁爸甘願做馬予你騎！」跛跤膨豬激動的情緒，絲毫沒有緩和。
　　「阿爸，你毋通擱受氣啦，若是氣歹心命，鄉里人會講我不孝，到時陣我欲怎樣來承擔這個責任。」
　　「恁爸若氣死，你上歡喜，草蓆捲捲的共填落海，省錢擱省事！」