第九章
　　逐漸地，貓仔馬俊行騙的招數已用盡，幾乎跛跤膨豬所有的至親好友都被騙過，其金額從一百八十到千兒八百都有。他們之於會受騙上當，純然是貓仔馬俊打著跛跤膨豬的名號，因為他除了忠厚老實又勤儉外，亦有不少的儲蓄，是一個道道地地的「好額人」，當然，有些是基於一點親戚關係而不好推辭。可是貓仔馬俊在外的行為卻被蒙在鼓裡，根本就沒有任何一位親戚主動向他提起兒子欠他們錢的事，直到前幾天在一位晚輩的喜宴上，與秋記雜貨店的秋叔仔同坐一桌，才被揭穿。
　　「恁囝馬俊這陣佇陀咧食頭路？」秋叔仔關心地問。　
　「秋叔仔，我毋驚你愛笑，這個了尾仔囝已經無路用啦！一日到暗騙東騙西、欲食毋討趁，狗兄狗弟一大堆，跋筊、淋燒酒、相拍逐項來。我已經講佫有喙無瀾，伊抑是袂改袂變。你講這個了尾仔囝抑擱有啥物路用？」
　　「敢有影親像你講的按爾？」秋叔仔沈思了一下，半信半疑，「毋拄外表看起來一表人材，喙花好，話嘛誠會講。」
　　「秋叔仔，你所知的，我跛跤膨豬一世人毋捌講一句白賊話。毋是講這個了尾仔毋是我親生的，我咧講伊的歹話，拄著這種毋知寸進的了尾仔囝，我實在誠怨歎！」
　　「若毋是你這陣咧講，我實在看袂出……。」表叔仔看看他，欲言又止。
　　「秋叔仔，敢講你有聽著外口人講啥物？」跛跤膨豬已看出一些端倪。
　　「咱是該己，有一句話我袂使無共你講。」
　　「秋叔仔，有啥物話你註你講，我一定會接受。」
　　「馬俊這個囝仔，四界去共人借錢，即項事志你毋知知毋？」
　　「啥物，四界去共人借錢？」跛跤膨豬訝異地，「我毋知有這種事志。」
　　「伊借的攏是咱該己的親情朋友較濟，逐個看著你的面子，毋敢問你。」
　　「敢講這個了尾仔囝也去共你借？」
　　表叔點點頭。
　　「借偌濟？」
　　「無偌濟啦，一千元爾爾。」
　　「伊敢有講借錢欲創啥物？」
　　「伊講朋友的老爸破病欲徛院，臨時通知著交一千元的保證金，伊無帶赫濟錢，叫我先借一千元予伊應急，明仔日一定會提來還。可能是袂記的，若無到這陣已經半年外啦，攏無消無息。伊嘛用這種手法，共番婆姑借一千，共春嬌姨仔借千二，共番薯伯仔借五百，共……，算算的咱的親情五月佮朋友，幾乎濟濟少少攏予借過。」
　　「秋叔仔，我實在真對不起恁，即項事志我誠實毋知半項，我一定會問予清楚，予恁一個交代。這個了尾仔囝已經無藥通醫啦，古早人講『爸債囝還』，這陣煞變成『囝債爸還』。你若是知影咱的親情五月佮朋友有人借伊錢，請你共伊講一下，即項事志我跛跤膨豬會設法來解決，該還的我一定會替伊來還，請逐家放心，也請逐家原諒。」
　　「這陣想想的，當初恁嬸仔共你做這個親情實在毋著。」秋叔仔搖搖頭無奈地說。
「嬸仔是為我好啦，若毋是伊，像我即種跛跤破相的作穡人，永遠毋免數想欲娶某。但是誠濟事志真歹講，想袂到彼個三八查某毋知見笑會跟兵仔走，又擱飼著這個別人生的了尾仔囝。