這個囝仔若爭氣、捌想，我花費的心血也有夠值，可惜是一個欲食毋討趁的毋成囝。秋叔仔，有時想想的，實在怨歎無地講，將來若食老，毋免數想這個了尾仔囝會來飼我啦！」跛跤膨豬內心有無限的感慨。
「膨豬仔，你毋通怨歎啦，這個囝仔頭腦袂歹又擱精光，可能是交著歹朋友，才會變按爾。將來伊若是會曉想，著會變好啦，千萬著想予開，毋通絕望！」秋叔仔安慰他說。
　　「秋叔仔，伊今年已經二十外，會使講是大人大種，若是爭氣成材，老早已經娶某生囝，袂擱規暝規日佇外口咧放蕩。咱的話講：狗改變袂了食屎，這個囝仔已經無藥通救啦！」跛跤膨豬絕望地說。
　　「伊敢知影伊毋是你生的？」秋叔仔低聲地問。
　「這個囝仔的自尊心誠強，若是知影一點仔，伊也毋敢問。有時若予我咧氣疼，誠想欲佮伊講：你毋是我的囝，共我出出去！」跛跤膨豬憤慨地說。
　　「毋通，毋通，千萬毋通按爾做。你若是誠實欲共伊趕出去，飼伊二十外年的苦心著白白了去。認真講起來，這個囝仔的本質應該袂歹才著，我想有一日伊一定會想有、會改過！」秋叔仔又一次地開導他說。
　　唉，跛跤膨豬搖搖頭，歎了一口氣，沒再說什麼。