那晚，跛跤膨豬一直枯坐在大廳等候那個欲食毋討趁的了尾仔囝回來，他必須問清楚，到底騙了親戚朋友多少錢。即使心不甘情不願，但在百般的無奈下，「不肖子」所積欠的錢，不管金額多寡亦只好由他這個「有孝爸」來還。跛跤膨豬簡直愈想愈鬱卒，愈想愈氣憤，甚至打從心底發出如此的怒吼：「飼這個了尾仔囝，無潲路用啦！」
　 終於，貓仔馬俊帶著滿身酒味回來了。
　　「阿爸，赫暗你還沒睏喔？」貓仔馬俊瞇著無神的眼，好意地問。
　　「睏、睏、睏，睏一箍膦鳥！」跛跤膨豬難掩內心的氣憤，咬牙切齒，罵人的髒話脫口而出，跨上前就是給他一把掌，「恁老母較好咧，你騙恁爸袂要緊，竟然騙一四界！你存心欲予恁爸氣死是毋！」
　　「阿爸，」貓仔馬俊右手撫臉，皺著眉頭，故裝無辜地問：「你無事無志拍我創啥物啦？」
　　「你摸摸良心看覓，看恁爸怎樣對待你？你竟然赫爾袂見笑，走去共叔公、嬸婆、丈公、姑婆，清伯仔、榮叔仔……伊騙錢，你是人抑是禽獸？」跛跤膨豬指著他，怒氣沖沖地說。
　　「阿爸，你誤會啦，我毋是共伊騙，我是共伊借。」貓仔馬俊辯解著說。
　　「你啥物時陣共伊借？借偌久？有還無？」跛跤膨豬依然氣憤地追問著。
　　「我會還伊啦，彼點仔錢有啥物大不了！」貓仔馬俊理直氣壯地說。
　　「憑你這種欲食毋討趁的跤數，你啥物時陣欲還？你欲用啥物來還？」
　　「這種小事志毋免你老歲仔來煩惱啦！我早晚一定還，母錢加利息，會還佫清清楚楚，絕對袂欠伊一箍一角。阿爸，你安心啦！」
　　「恁爸聽你咧放臭屁！」跛跤膨豬狠狠地瞪了他一眼，「你規身軀死了了，死佫賰彼支膦鳥喙還末死！恁爸這世人欠你的死人債，才會飼你這個了尾仔囝！」
　　「阿爸，你毋通受氣啦，若氣歹心命，我欲怎樣向祖公交代。」貓仔馬俊放低姿態，柔聲地說。
　　「你毋免假有孝，恁爸共你看出出的，」跛跤膨豬的情緒，依然相當激動，「你共恁爸一條一條認認真真算予清楚，看看你到底欠人偌濟，想想你欲怎樣來還。你的面皮毋顧，恁爸抑擱欲佮人徛起，毋通捨死捨眾啦！」
　　「阿爸，無偌濟啦，」貓仔馬俊一副無所謂的樣子，「袂超出三萬元啦。」
　　「啥物？你講啥物？」跛跤膨豬依舊高聲地，「你擱共恁爸講一遍，大聲講一遍予恁爸聽！」
　　「阿爸，你大聲細聲火氣赫爾大，欲叫我怎樣講咧。」
　　「你明明是欲共恁爸活活氣死啦！」
　　「阿爸，你毋通亂亂想啦，天下哪有老爸予該己的囝兒氣死的。」
　　「你毋是我的囝啦！」跛跤膨豬此話一出，自知有點不妥。
　　「我毋是你的囝？」貓仔馬俊重複他的語氣，「我若毋是你的囝，敢是阮彼個跟兵仔走的老母，去佮人偷生的？」
　　「囝仔人莫講彼五四三的啦。」跛跤膨豬的語氣似乎已較緩和。
「阿爸，你實在誠趣味，你受氣的時陣罵我大人大種，我問你的時陣你講我是囝仔人；我明明是你生的，你講我毋是你的囝。我看你有一點仔老番顛！」貓仔馬俊笑著說，也同時讓緊繃的氣氛緩和了不少。
　　「恁爸老番顛毋拄會食擱會做，你赫精光可惜欲食毋討趁，你毋免共恁爸上即課，明仔日緊去算看覓，欠人偌濟錢緊提去還人較要緊！」
「阿爸，你欲提錢替我還是毋？」貓仔馬俊以試探的語氣問。