「你今年幾歲啦？我這個老歲仔有通擱食幾年？你雖然無趕緊，但是我趕緊欲抱孫啊！」跛跤膨豬有些兒急促，「你若是娶某了後，我著欲共咱兜的家事佮穡頭，放予恁翁仔某來扞。我老啦，無氣力啦，欲歇睏啦！」
　　貓仔馬俊無語地看看父親，看到的是一個滿面風霜的孤單老人，想想之前的荒唐行為，不知為眼前這個可憐的老人，增添多少憂愁和雪霜。幸好自己能及時回頭，才免予衍生出更多的憾事。然而有一個隱藏在心中多年的疑問，似乎也應該利用這個機會問個清楚。
　　「阿爸，較早聽人咧講，講阮母仔嫁予你無滿二月日，我著出世，敢有這種事志？」
　　跛跤膨豬一怔，一時不知如何回答，是誰那麼無聊告訴他這件事。
　　「誠濟人咧講，我生了佮你無仝面。」貓仔馬俊又說。　　
「世間真濟事志誠歹講，咱爸仔囝雖然無仝面，但是愈來愈同心。」跛跤膨豬試圖避開話題，「你緊去準備像頭通辦手續，跟人去廈門行行看看才是真的，大人的事志毋免問傷濟，等有一日我若死，外口人自然著會共你講。到時你相信也好，毋相信也好，人生本來就無十全十美，若計較傷濟，是該己揣煩惱。」
　「阿爸，無管過去是怎樣，我是你飼大漢的，你是我永遠的老爸！」貓仔馬俊內心似乎有無限的感慨，「講實在的，從細漢我佮阮阿母著無啥物感情，想袂到伊擱跟兵仔走，予我真見笑。今仔日佇這個世間上，你是我唯一的親人，雖然我捌予你罵過、拍過，但是你是為我好，這陣我心肝內除了感恩，絕對無一點仔怨恨。阿爸，我袂擱予你氣身惱命啦！」
　　「你這個了尾仔囝，愈來愈會曉、愈來愈捌想啦，我無白飼你！」一絲喜悅的微笑，輕輕地掠過跛跤膨豬的唇角。
　　當父子兩人四目相望時，情不自禁地會心一笑。
　　然而這些話言猶在耳，一趟廈門之行貓仔馬俊竟又「變款」。