「講實在的，像我這種跤數無才調啦！」貓仔馬俊早已知道他的底細，故而以諷刺的口吻說：「若是欲共伊帶出場，可能著親像老枝伯仔你這種有錢有勢、出手大範的社會人士，才有彼個才調啦！」
　　「我老啦……。」老枝伯仔搖搖頭。
　　「老，老步在啦。誠濟七老八老的老歲仔，去廈門的目的攏嘛是去看水查某。像你這種紳士，錢銀濟又擱大範，大陸查某上煞。小弟仔若是六點半舉袂起，買一粒威爾剛食落去，半點鐘後就變成一尾活龍啦。老枝伯仔，你毋知有試過無？效果毋知有好無？」貓仔馬俊故意消遣他說。
「無啦，老著認老，我毋捌食這種物件。」老枝伯仔辯解著。
　　「敢按爾？」貓仔馬俊以疑惑的眼神看著他。
　　「老啦，無法啦。」老枝伯仔再次地強調，而後竟然說：「威爾剛我毋捌食過啦，但是阮大陸彼個湊頭也，伊有予我食一種藥丸，嘛有中藥燉牛鞭予我食，效果袂歹。」
　　「老枝伯仔，你若該己咧這喊老，實在無人欲相信。看你頭毛黑金仔黑金，寒天西裝油食粿，熱天紋衫麻花炸，擱有查某緣。平平六十歲的老歲仔，有啥物人佮你會比並的。」貓仔馬俊誇讚著，卻也不忘挖苦他兩句，「咱厝人攏嘛咧講，老枝伯仔你少年的時陣緣投，食老的時陣風流，這陣若是欲去大陸娶細姨，一定有真濟查某排隊咧等，想袂到你老早著有湊頭的啦！」