「你毋通聽人亂亂講！」老枝伯仔對這件事似乎還很在意，「事志已經過去真濟年啦，擱講無啥物意思。」
　　「若是像你講的按爾，著證明別人講的攏是實話。」
　　「喙生咧別人的身軀，伊欲怎樣講著怎樣講，對我這個老歲來講，無差啦！」
「誠少看著一個老歲仔像你風度赫爾好的。老枝伯仔，咱兩人攏是豬哥國的，下逝若是欲去廈門，才相招湊陣來去揣甜甜！」
　　「毋成囝，你講有定無？」老枝伯仔笑著說：「你從金門騙到廈門，查甫騙到查某，騙規四山坪，毋通連我這個老歲仔也想欲騙。」
　　「我佮你仝款啦，一世人清清白白，歹路我袂行啦！」貓仔馬俊仿著他剛才的語調說。
　　「你比我較害喔，」老枝伯仔不屑地看著他，「毋通數想欲騙大陸查某，大所在的查某攏毋是省油燈，是予你騙袂倒的。若是毋知死，會予伊騙倒去。」
　貓仔馬俊一時無語，老枝伯仔這番話，可說已說到他的心坎裡。然而，他內心的鬱卒又有誰知道。老枝伯仔或許已從甜甜處知道一些端倪，以及看出他罹患性病的醜事，一旦踏上這塊土地，難免又會加油添醋四處散播，以醜化別人來凸顯自己的清高。