「無地討啦，我看這個甜甜毋是普通的趁食查某，一定佮黑道有掛勾。毋通錢討袂倒來，一條性命也跟伊去，按爾著衰潲。」
　　「事志哪會變按爾？」
　　於是貓仔馬俊把事情的原委，一五一十地告訴他。鳥鼠清仔聽後，毫不客氣地數落他說：
　　「貓仔馬俊，你實在真傻瓜潲，去彼種所在純粹是逢場作戲、開淡薄仔錢換爽，想袂到你規層皮攏去予彼個查某剝去。講實在的啦，趁食查某無一個是好料，你數想伊的人，伊數想你的錢，當你的錢銀若開完無利用的價值，著莎喲啦啦再見啦！較早你佮伊咧親熱，我以為恁兩個湊陣去佚陶佚陶也無所謂，五日的時間若到，錢若開完，著煞煞去啦！想袂到你巧巧人會做這種戇事志。伊若是誠實欲嫁你，我看你趁的錢，無夠伊買名牌的衫褲佮化粧品啦！若是知影你會按爾，當初我實在無應該招你去廈門佚陶！」
　　「我實在誠對不起阮老爸。」貓仔馬俊內心似乎有無限的愧疚。
　　「你今仔日終於良心發現，你想看覓，從你讀初中的時陣開始，你貓仔馬俊共恁老爸製造偌濟問題？規鄉里的人攏知影，世間上像恁跛跤膨豬彼種老爸的人誠少，伊雖然跤有淡薄仔過樣，但是伊忠厚老實、對人客氣，鄉里的好歹事志攏是帶頭佇做予人看，又擱克服先天的殘缺，認真搰力拍拚作穡，該己儉酸苦淡，艱苦人若是有困難伸手共伊借，伊無第二句話，實在予人真敬佩。若講著恁老爸，鄉里逐個人攏嘛呵咾。可惜伊儉落來的錢，你一下著共伊了去赫濟十萬，叫伊毋傷心、毋怨歎，實在是無可能的啦！」鳥鼠清仔說後話鋒一轉，低聲地問：「你敢誠實著鏢？」
「講起來真見笑。」貓仔馬俊苦澀地笑笑。
　　「敢是甜甜彼個查某傳染予你的？」
　「毋是，」貓仔馬俊有些難為情，「彼陣甜甜已經毋接我的電話，嘛毋佮我見面，我的心情實在真鬱卒。彼暗我口林一點仔燒酒，請服務生共我叫一個查某來消透消透的，想袂到伊共我叫來的彼個香香，親像矮仔冬瓜，歹看仔欲死去，我袂佮意才換小桃紅。小桃紅這個查某生了袂歹看，氣質袂輸甜甜，我有佮伊溫存較久，想袂到這個
查某，已經著鏢抑擱咧趁食，才會予伊傳染著。講起來實在不幸擱見笑！」