「你共我算算的，母錢佮利息加起來攏總幾箍？」跛跤膨豬展現出十足的誠意。
　　「母錢二十五萬，半年的利息三萬箍，加起來攏總是二十八萬啦。」頭家心裡已有數，不假思索地說。
　　「真歹勢，我這陣身軀無帶錢，我明仔日一定提錢來佮你算清楚。」跛跤膨豬說後看看他，「毋知我予你會相信的袂？若是袂相信的，你會使跟我來阮兜，我會使共銀行的存單提予你看。」
　　「你千萬毋通按爾講，你的誠意我感受會著，實際上我也毋是靠這項咧趁食的，我佮你仝款啦，嘛是幫助真濟艱苦人。但是這陣誠濟少年人，目睭生佇頭殼頂，欲食毋討趁，一日想空想縫，騙東騙西，四界借錢來開。講實的，對這種少年人，我實在看袂慣勢，所以伊赫若來共我借錢，除了著提田契抑是厝契來抵押，我也會以重利來共伊算利息。一方面共伊教訓，另方面予伊知影錢銀歹趁。」頭家娓娓道來。
　　「我贊成你的作法，」跛跤膨豬點點頭，內心亦有無限的感歎，「我毋驚你笑，阮兜彼個了尾仔囝就是像你講的按爾啦，實在是怨歎無地講啊！」
「你也毋通傷傷心，恁這個少年也看起來頭腦袂歹，將來一定會改變。」頭家安撫他說。
　　「我毋敢數想啦！」跛跤膨豬搖搖頭，內心的苦楚的確是無人知，「頭也，我毋耽誤你的時間，我明仔日一定會提錢來佮你算清楚。」
　　「按爾好啦，你明仔日若欲提錢來，還我廿五萬母錢著好，利息毋免算啦！」頭家展現出巨大的誠意。
　　「無囉，該怎樣算著怎樣算，我絕對有還錢的誠意，你毋通可憐我！」
　　「膨豬叔仔，我知影你有錢、還會起，但是我毋是咧可憐你，是尊敬你。我親目看著，真濟父母倖囝倖了無款，無檢討該己攏是怪別人，有時陣為著伊的囝兒，明明該己無理，擱會大聲細聲佮人枵飽吵。親像你膨豬叔仔赫爾明理，又擱赫爾有誠意欲替囝兒解決事志的老大人，實在真少。這個就是我毋共你提利息的主要原因。」頭家解釋著說。
　　「按爾歹勢啦！」跛跤膨豬萬萬想不到。
　　「你毋通客氣，你的為人處事，序細的著向你學習。」
　　「講起來誠漏氣，該己的囝仔無才調通管教，才會造成今仔日這種勢面。你的恩德我跛跤膨豬會永遠記咧心肝內。」