「袂啦，應該袂按爾才著。若是誠實赫爾無良心，就狂費恁兩個老歲仔飼 大漢的苦心。」
「妳春桃親目看著，槌哥雖然戇，講話又擱會重句，但是這幾年來 有沓沓咧變，除了會曉食，也會曉做，袂擱親像細漢的時陣逐項袂曉得，予我佇煩惱。尤其是老歲仔破病倒咧眠床頂，若是無槌哥共伊偃起偃落，飼
食糜，又擱共 捏屎捏尿。若是步步欲靠我這個老查某，我看 老早就去土漿賣鴨卵啦，敢抑擱有通活到這陣。」
「我較早捌共妳講過，槌哥伊毋是戇，是較條直。妳看 佇擔肥作穡，除了搰力外，力頭又擱飽，誠濟少年人攏嘛綴伊無一個尾逝。雖然講話有淡薄仔重句，但是 實話實講、袂彎彎斡斡，予人感覺誠實在。尤其 咧飼烏番叔食糜，佇共烏番叔拭尻川，實在予人誠感動。將來啥人若嫁予這個有孝囝，穩當會快活一世人。」春桃說著說著，眼眶竟有點微紅。
「春桃仔，咱親像該己，我毋驚妳笑，雖然槌哥有沓沓咧捌世事，也認真搰力佇作穡，但是我看規金門山，揣無一個赫戇的查某，欲嫁予 這個戇人做某。」烏番嬸自卑地說。
「可能緣分還未到啦。」春桃有不一樣的看法。
「講實得啦，槌哥伊毋是生出來著戇， 是發高燒、燒過頭，才會變按爾。彼陣佇落冬當無閒，又擱無經驗，袂曉緊共 送去醫院予醫生看，害
一世人變戇人。將來若是有緣欲共
做親情，咱也是著稍考慮一下，袂使娶一個比 較戇的查某，若是按爾，將來生出來的一定是一個戇囝。」
「烏番嬸仔，妳講的無毋著，槌哥
毋是天生的戇人，若是凊彩共伊娶一個袂曉半項的戇某，會害 一世人。」
「春桃仔，有時我拄拄仔佇想，想講阮兩個老歲仔食會老，阿章 翁仔某無可能會擱倒來咱厝徛，妳若是無欲擱去嫁，後次叫槌哥來共妳湊作穡，共妳湊飼阿秀仔，妳煮糜予 食，共 洗衫褲，逐家互相照顧，若是按爾毋知有偌好！」烏番嬸說後看看她，似乎感到有點冒昧，竟不好意思地說：「這是我該己的想法啦，春桃仔，妳聽聽就煞煞去啦，毋通怪我這個老番顛黑白想、亂亂講。」