「烏番嬸仔，毋是我咧大面神，我袂擱去嫁別位啦，我會佇咱這個鄉里永遠徛落去，共阿秀仔飼予大漢。講實得，槌哥是一個會予查某人倚靠的查甫人，對序大人又擱誠有孝，有時陣看著?因赫爾有耐心咧飼烏番叔食糜，實在予人真感動。有一次?因來共我湊擔糞，我嘛有共?因講若有衫褲欲洗，才提來予我洗，但是?因誠客氣講妳會共洗。烏番嬸仔，毋驚妳笑，妳這陣的想法佮我彼陣的想法完全仝款。尤其我從細漢著無爸無母，阿生又擱早死，咱若是會當來相照顧，也是一種緣分，我會共恁當做該己的父母來有孝！」春桃紅著眼眶，極其感性地說，而卻也有所顧慮地，「毋拄這攏是咱兩個該己的想法，槌哥毋知會像咱按爾想袂？」
「槌哥這個囡仔雖然有較條直，但是?因誠聽話，每一次叫?因去共妳湊相共，?因攏嘛是歡歡喜喜無第二句話。尤其妳不時夠工留?因食糜，又擱煮好料予?因食，無共?因當做外人，?因倒來攏嘛呵咾妳對?因誠好。春桃仔，妳若誠實有意願欲佮槌哥湊陣做、湊陣食，我相信?因也會誠歡喜啦。尤其恁兩個的歲聲差無偌濟，認真講起來，若是有緣欲來相疼惜嘛是誠好。」
「烏番嬸仔，這項事志咱暫時囥咧心肝內，順其自然沓沓來；若無者，予人講閒話著歹勢啦！」春桃有所顧慮地。
「妳的顧慮無毋著，愛講閒話的鄉里人誠濟，毋通好好事志予三句話共咱拍歹去。妳心肝內若有按爾拍算著好，賰得咱才擱沓沓來講。」
「烏番嬸仔，妳會嫌我這個查某袂見笑袂？」春桃突然不好意思地問。