然而，當槌哥出現在她的面前而有更多的接觸時，她的想法卻突然地改變，倘若帶著女兒去改嫁，對方說不定也是一個有子有女的鰥夫，誰也不能保證此生能幸福。而一般男人會娶她這個帶著拖油瓶的黃臉婆為妻嗎？那似乎是不可能的。若真能與槌哥生活在一起，即使他的智商不及常人，但以他種種作為來看，似乎也不必太悲觀，往後的日子絕對會較踏實。況且，烏番嬸的想法跟她不謀而合，有了她老人家的承諾，她人生中的第二春絕對是指日可待。
「春─桃仔，妳咧─想─啥物？哪會─規晡─戇神─戇神。」槌哥看看她笑著問。
「我佇想，咱若是一家人，毋知有偌好。」春桃笑著說。
槌哥竟然搖搖頭。
「你物事搖頭？」春桃不解地。
「鄉─里─人─攏─講─講我戇，叫─我─槌哥，咱─若─是一家人，妳─會─予我拖累著。」槌哥竟然自卑地說。
「這陣的你，會使講佮較早的你，完完全全無仝了了。較早你有影戇戇，講話除了重句，又擱臭奶呆臭奶呆，啥物事志嘛攏袂曉，才會予人看無通起。今仔日你槌哥這個外號，雖然逐家叫習慣一時無法度通改，但是人的名是方便予人稱呼，嘛有人叫豬屎、牛屎、豬哥、馬哥。名叫聰明，無一定巧；名叫天才，無定著是一個啞口。認真講槌哥這個名字，叫起來嘛誠順口擱好記，你毋通想傷濟啦。尤其你這陣毋爾會曉作穡，又擱認真搰力，對序大人嘛誠有孝，捌的世事愈來愈濟，若是共重句沓沓改起來，敢抑擱有啥物通嫌得。講實在得啦，咱若是一家人，我會感覺誠光榮。」