「雖然我佮恁兄嫂攏咧食頭路，一個月兩個加加起來也袂少錢，但是台灣生活水準誠懸，出門攏著開錢，我又擱計劃欲買厝佮買車，趁的錢攏囥佇銀行咧生利息，身軀邊賰無偌濟。
我知影你佮春桃兩個誠拍拚，除了作穡外又擱飼牛、飼豬擱飼羊，聽講恁翁仔某一年冬賰袂少錢。尤其佇咱這個所在，生活水準低，又擱儉，會使講盡趁盡賰得，阿兄實在替恁歡喜。有你這個搰力拍拚的小弟，有春桃赫爾賢慧的小嬸，阿兄感覺誠光榮。」
「阿兄你毋甘嫌啦，我是盡本份爾爾。」
「我知影阿爸過身這遍用袂少錢，這錢攏是恁提出來得較濟，阿兄的苦衷我頭先已經佮你講過，這陣我想欲佮你參詳一下，鼓吹佮師公錢予我出，賰得予你來負擔。」
「阿兄……。」槌哥尚未說完，華章搶著說：
「我知影你會體會著阿兄的苦衷，知影阿兄的輕重，阿兄無白疼你啦，將來若機會才來台灣佚陶，阿兄一定會好好招待你。」
聽到華章如此地說，槌哥竟一時無言以對，想不到自己的兄長用的竟是連哄帶騙的招數，他焉有聽不出來之理，的確讓他感到訝異。然而，他已非昔日吳下阿蒙，他那套招數或許只能騙騙三歲小孩，即使他向來被歸類為既戇又槌，但此時再怎麼戇、再怎麼槌，也不會落入他的圈套。可是繼而地一想，為了不讓母親難過和傷心，為了不讓村人看笑話，為了能讓九泉下的父親瞑目，他寧願永遠做兄嫂心目中戇戇、呆呆、傻傻又槌槌的槌哥，也不願與這種人計較。
「阿兄，我有聽講台灣彼個所在是一個笑窮無笑娼的社會，若無錢除了會予人看無通起，嘛無法度通佮人徛起。你講恁翁仔某趁的錢攏囥佇銀行咧生利息，準備通欲買厝、買車，實在予人真欣羡。既然老爸無福氣通去台灣徛你的新厝、坐你的烏龜仔車，又擱不幸去天頂做佛，今仔日伊的囝兒做的到得，著是予伊風風光光上山頭，開淡薄仔錢也是應該得。尤其阿兄你千里迢迢從台灣倒來送伊，規鄉里的人攏嘛咧呵咾你的孝心。」