「田園厝宅辦繼承毋是赫爾簡單，妳毋捌半字是欲怎樣去辦？」
「毋捌字的人規四界，從來嘛毋捌聽著祖公留落來的田園厝宅，去予夭壽政府充公去。」
「俺娘，妳毋捌字又擱理由了了，莫講赫濟啦，緊去共赫權狀提出來，予妳來分，分好我通來去辦繼承的手續；辦好我著欲緊倒來去台灣。若無，憑妳佮槌哥無才調通去辦啦！若是欲請人辦著開袂少錢。」華章急促地說。
「你毋免六月芥菜假有心，你咧變啥物蠓，我共你看出出得！」烏番嬸不悅地，「你去叫槌哥來。」
華章一陣暗喜，心想他的目的即將達成。如果能按照他原先的計劃，爭取到那幾塊良田，其他靠近馬路不易耕作的沙地，或是鄰近村郊一些雜草叢生的旱地，他願意全部放棄，由槌哥獨自繼承。若依面積來計算，槌哥所分到的田地或許比他多出幾倍，但一塊良田則遠勝好幾塊旱地，一旦美夢成真，真正的贏家當然是他自己。只是惟恐母親會偏袒槌哥而不同意，但他一定會運用智慧和手段力爭到底，不達目的絕不罷休。如果鬥不過不識字的母親與戇戇又槌槌的弟弟，他四年的大學勢必白唸了，台灣社會也白混了，還有何顏回去見老婆？
烏番嬸心不甘情不願地、把抽屜裡那疊泛黃的土地權狀取來，並把它擺在大廳的八仙桌上。識字的華章趕緊走過去，把房屋和土地權狀作了一個區分，復告訴母親說：
「俺娘，這兩張是厝的權狀，一張是咱徛的這間，一張是護龍厝的；賰的攏是咱的土地權狀。」
「既然你趕緊欲分，我這個無路用的老歲仔就順你的意。這間一落四櫸頭的古厝，佮咱這陣佇囥鋤頭、畚箕、三齒、犁、耙的護龍厝，辦予恁兩個兄弟仔相佮。恁有啥物意見無？」烏番嬸說。
「這兩間破厝，相佮著相佮，我無意見。毋拄咱話著講囥頭前，這陣啥物人佇徛，將來厝若是歹去，伊著負責修理，毋通叫無徛的人來出錢。」華章說。
「槌哥你有意見無？」烏番嬸問。
「我尊重俺娘的拍算。」槌哥說。
「按爾好，這兩間厝登記予恁兩個兄弟仔相佮。」烏番嬸說後，看看剩下的那幾張權狀，復對華章說：「這園是佇陀位，你一張一張唸予我聽看覓。」