華章重新把它做了一番整理，並歸成三類，而後告訴母親說：「俺娘，這四張是芋園，這八張是阿爸不時佇疊蕃薯佮種塗豆的土園，這六張是靠車路墘赫沙園仔，攏總是十八張啦。」
「好園歹園大細坵相佮……。」烏番嬸尚未說完。
「俺娘，聽講大孫會使先揀一坵大孫園，是毋？」華章搶著問母親說。
「有，古早有按爾。」烏番嬸嚴肅地說。
「若是按爾我會使先揀一坵大孫園。」華章興奮地。
「你大孫佇陀？」烏番嬸不解地問。
「阮某已經有孕啦，婦產科醫生講這胎是查甫得，我定著會使先揀一坵大孫園。」華章胡亂地說。
「生出來才講！」烏番嬸不屑地，「你若欲數想一坵大孫園，這陣毋免趕緊辦繼承，等恁囝若生出來才去辦！」
「俺娘，妳若會愈老愈歹參詳，妳先予我揀一坵大孫園，所有的事志就條直。若欲等阮某生，我哪有赫濟美國時間通擱倒來辦。」
「你若是硬硬欲，車路墘赫沙園揀一坵去。」
「講實得啦，車路墘赫沙園倒貼我我也毋挃！若是用這種園做大孫園，毋爾傷過份，嘛會予人笑。」
「若無你是欲挃陀一坵咧？」烏番嬸氣憤地問。
「彼坵較大坵的芋園啦。」聽到母親如此地一說，華章精神一振。
「你心肝敢袂傷雄？」烏番嬸臉一沉，憤怒地說：「攏總予你好毋！」
「攏總予我、我毋敢挃。」華章嘻皮笑臉地，「俺娘，按爾好啦，咱有四坵芋園，扣去一坵大孫園，抑擱有三坵，這三坵予我著好，賰得十四坵，我攏總毋挃，全部予槌哥去種作。」
「書讀濟著是無仝款，想袂到你赫爾有兄弟量，十八坵園你拄拄欲挃四坵爾爾。你的度量佮做法，予我這個毋捌字的老查某感動甲強強欲流目屎。你詳細想想得，除了這四坵芋園是較大坵，又擱較好種作的澹園外，咱兜的田園攏是咧山頂的瘦園仔，天公若無落雨，著無收成，盡靠著是靠這四坵澹園，一冬二坵播芋、二坵疊蕃薯，輪流替換咧種作。尤其這幾年來，槌哥佮春桃認真搰力咧摳草、掠蟲，別人的蕃薯芋抑擱佇沃肥撒糞，咱已經有通掘去賣，而且擱是賣好價數，咱兜平常時的食用攏靠這四坵澹園。今仔日這園若攏予你一個人分去，後手是毋是欲叫槌哥伊翁仔某佮我這個不中用的老查某去食西北風？你擱詳細想看覓，若是像你講的按爾是毋是會傷過分？」