「人生誠濟事志實在予咱想袂到得，雖然伊是咱的阿兄，但是無一點仔兄弟量，若是步步欲佮伊計較，兄弟感情著拍歹了了，毋爾會予鄉里人看笑話，嘛會予俺娘傷心流目屎。春桃仔，人講查某人會較無量，但是咧我目睭內，妳佮別人無仝款，對兄弟之間一屑仔較有爭議的事志，毋捌講半句歹聽話，嘛無佮人咧計較。俗語話講，有量才有福，我相信天公祖會保庇咱。」槌哥說。
「雖然彼四坵園一年冬予咱收成袂少，咱佮這土地也有誠深的感情，既然是阿兄分去，咱又擱毋共伊租，這冬芋若掘完，蕃薯若挖完，咱著緊摒還伊，才袂予伊加講話。」春桃囑咐著說。
「我知影。」槌哥無奈地說。
「咱溪仔墘赫園，若是重新犁犁掘掘得，又擱整理予好勢，認真講起來嘛袂輸彼四坵。」春桃提醒他說。
「我有咧想。趁這陣園抑擱焦焦較好起落，一半日我著欲先來去犁。若跤手較緊得，我相信趕會著下冬播芋、疊蕃薯。」槌哥說著，卻也不忘叮嚀她，「記得，這事志千萬毋通講予俺娘知影。」
「我知啦。」春桃點點頭說。
儘管槌哥沒有把華章那些無理的要求向母親稟告，但當烏番嬸看到兒子有異常的作息時，不禁關心地問：
「槌哥，你這幾日來，逐日鋤頭三齒無離身，又擱流甲規身軀汗，你是佇拚啥物咧？」
「俺娘，我咧開草園啦。」槌哥說。
「開草園？」烏番嬸訝異地，「咱兜田園赫濟，欲播芋有芋園，欲疊蕃薯有蕃薯園，欲種塗豆有塗豆園，敢抑擱無夠你種作？」
「俺娘，彼幾坵草園是春桃伊彼爿的，地勢較低，土質袂歹又擱澹潤，將來若是開好，袂輸咱赫芋園。」槌哥解釋著說。
「我老啦，真久無去山共恁湊相共，毋通袂記得，恁拄拄兩個跤手爾爾，毋通逐坵好。若作袂咧去，彼陣著艱苦。」烏番嬸關心地說。
「俺娘，阮這陣抑少年，抑擱會堪得啦，妳毋免煩惱。」
「唉，」烏番嬸微歎了一口氣，「俗語話講一樣米飼百樣人，實在無毋著。我擱較想也想袂到恁阿兄心肝會赫爾雄，死老爸，無出半箍；分田園，又擱欲揀好園，若毋是伊人徛佇台灣，這園攏欲予你種作，我看若是靠彼幾坵瘦園仔，天公祖又擱無落雨，穩當著枵腹肚。」