「槌哥，歇睏食點心啦。」每當太陽微微偏西時，春桃總會煮一小鍋麵，泡一壺茶，用小竹籃提著，來為槌哥加油打氣。
只見槌哥脫下斗笠，朝自己的臉上搧一搧，雖然臉上有笑意，但卻累得說不出話來。
「趁燒，緊來食。」春桃深情地說，並順手為他添了一碗遞給他。
「咱湊陣來食。」槌哥接過後，坐在田埂上。
「我袂枵，你緊食，食飽才有氣力。」春桃笑著說。
「人有時誠奇怪，作穡喊無氣力，若是佮某倒咧眠床頂，氣力自然就來。」槌哥竟開起玩笑說。
「看你拚甲啍啍喘，又擱流規身軀汗，抑擱有彼個心情通講笑？」春桃取笑他說。
「作穡人永遠有做袂完的穡頭，若無利用歇睏的時陣佮妳講兩句笑話，一日到暗激一個臭屎面予妳看。春桃仔，予妳講，若是拄著這種翁婿，妳心情敢會快活？」
「槌哥，佮你湊陣這幾年來，我目睭金金咧看，看你一日一日咧變，我這陣雄雄想著，你毋是戇、也毋是槌，是智慧較晚開啦。咱經常看著有的囡仔到四五歲抑擱袂曉講話，看起來又擱戇戇，予父母煩惱甲強欲死，驚伊大漢會變戇、變啞口。想袂到伊智慧一開，毋爾頭殼變巧，話嘛講甲煞煞叫。」春桃說後，又加強語氣重複著，「我咧想，你毋是戇、也毋是槌，是智慧較晚開啦！」
「毋是按爾啦。」槌哥搖搖頭說。
「毋是按爾？」春桃不解地，「毋是按爾是怎樣？」
「是妳的功勞啦。」槌哥脫口說。
「我的功勞？」春桃更加不解，「我有啥物本事通予你變赫濟？」
「我食著妳的喙瀾啦！」槌哥開玩笑說。
春桃白了他一眼，雙頰紅得像春天盛開的桃花。
「面紅啦，著毋？」槌哥消遣她說。
「我哪有面紅？」春桃撫了一下臉龐。