「阿秀這個囡仔毋爾喙花好，嘛誠乖巧，俺娘是疼甲心肝命命。」
「槌哥，我彼種已經兩個月無來啦……。」春桃羞澀地說。
「啥物？」槌哥激動又興奮地，「春桃仔，妳是講我欲做老爸啦，是毋？」
「毋通赫大聲啦，」春桃盯了他一眼， 「予人聽到會愛笑。」
「春桃仔，我等這日已經等誠久啦！我日時拚草園，暗時拚生囝，等我草園若開好，妳嘛欲生啦！春桃仔，無啥物比這兩項事志予我擱較歡喜得！」槌哥說得口沫橫飛，喜悅的神色溢於言表。
「槌哥，我知影你這陣的心情，有咱該己的囡仔，有咱該己開墾的田園，毋爾你歡喜，我嘛歡喜甲喙笑目笑！」
「雖然咱的囝擱無偌久著欲出世啦，但是阿秀仔猶原是咱兜的心肝寶貝，無管是俺娘抑是我，我相信無人會大細心，這點妳千萬毋免煩惱。」
「我知影啦。」春桃說後，突然收起笑容，「毋拄槌哥，我若是育囡仔，著無法度通綴你來山、共你湊相共。」