而槌哥不僅有經驗，更有一身的「戇力」，一下田就猶如生龍活虎般地投入工作，似乎從未感到疲勞，甚至回到家裡還經常地協助春桃餵養家畜或家禽。俗話說，一分耕耘、一分收穫，即使農耕不能讓他成為「好額人」，但在這個近百戶人家的農村裡，無論是提起烏番嬸或是槌哥和春桃的名字，都是可以讓人「探聽」的。
不多久，槌哥在新墾的田裡栽種的芋頭，其葉面已有巴掌大，放眼一看更是綠油油的一片，讓同在這個區域耕作的鄰人好生羨慕。
「槌哥，你看，阮的芋拄拄播無偌久，你的芋已經赫爾大欉啦！平平咧作穡，實在綴你袂著。」狗屎木仔誇讚他說。
「可能是新開的草園，園塗有較肥，才會發赫緊。」槌哥解釋著說。
「怪啦，」狗屎木仔訝異地問：「槌哥，你怎樣放彼四坵好園毋作，又擱出氣勞力來開草園？」
「彼四坵園阮阿兄分去啦。」槌哥據實說。
「恁阿兄伊毋是徛佇台灣，分彼四坵園敢有才調通倒來種作？」
「木仔，真濟事志誠歹講。總講一句，各人的、各人好。」
「伊敢有講這四坵園毋予你作？」
「阮阿兄伊有伊的拍算啦。」
「擱較講嘛是該己的兄弟，你註你共犁起來作，伊敢敢講半句話！」
「木仔，咱從細漢湊陣大漢，你所知得，我較早戇戇又擱槌槌，誠濟人看我無通起，但是我袂去佮人計較。既然彼四坵園是阮阿兄分著，我無認份也袂煞得，拄好春桃彼爿有這幾塊地，地勢袂歹擱濕潤，是適合播芋的澹園。就是按爾才會想著欲出一點仔戇力共開起來種作，想袂到芋播無偌久竟然大赫爾緊，算我好狗屎運啦！」
「恁阿兄彼四坵園若無人種作，毋免偌久穩當變草埔。」
「阮阿兄彼四坵園會變怎樣，我也是無伊法。」槌哥無奈地搖搖頭，卻突然想到，「木仔，我拜託你一項事志，若是臭拄坎拄著阮俺娘，千萬毋通共彼四坵園的事志講予伊知影。」
「敢講恁阿娘毋知彼四坵園是恁阿兄分得？」
「伊知啦，但是伊毋知阮阿兄對彼四坵園有另外的拍算。」
「既然你有交代，我袂講啦。」
「歹勢啦，」槌哥除了感到不好意思，卻也不忘再次地請託，「若是有人問起這件事志，才費神你替我解釋一下，千千萬萬毋通予阮俺娘知影，我驚伊會艱苦。」