十二
隨著歲月的更迭，隨著孩子們的成長，烏番嬸已日漸地蒼老。但是在槌哥與春桃細心的照顧下，除了行動稍為不便外，其他健康方面雖無大礙，但卻經常做惡夢，夢見老伴在呼喚她。或許，老人家一旦上了年紀，除了自己胡思亂想外，想念旅外子孫的心彷彿也會更加地強烈。儘管這些子孫平日對她鮮少關注，甚至已到了不聞不問的地步，但老人家思念他們的心則始終未曾改變，可謂天下父母人啊！
「槌哥仔，你嘛去請人寫一張批予恁阿兄，叫?因倒來予我看看得，若無，擱偌久仔?因會看袂著我。」烏番嬸囑咐著說。
「俺娘，妳毋通講講赫啦，天公祖會保庇妳長歲壽。我有請人寫批予阮阿兄，叫?因撥工倒來予妳看看得。可能是咧無閒，才會無緊倒來。」槌哥稟告母親說。
「我這幾日咧咧佇眠夢，夢見恁老爸叫我緊去佮伊作伴。阿章若毋緊倒來予我看看得，萬一恁爸若強強欲共我掠去，?因倒來著揣無母啦。」
「俺娘，我拜託妳，妳毋通講講赫啦，我聽著實在誠艱苦。我知影妳思念阮阿兄，但是我嘛有請人寫批予?因，可能擱偌久仔著會倒來啦，妳千千萬萬毋通煩惱，若無我是會比妳擱較艱苦！」
「槌哥仔，我誠想欲來去咱山行行看看得，看看恁老爸較早佇種作的赫田園，這陣毋知變怎樣？」
「俺娘，妳的跤骨這陣較無力，無適合行遠路，而且咱彼園幾落年來攏嘛無變。有年仔種塗豆、有年仔種露穗、有年仔疊番薯，攏嘛替換咧種作，無啥物通好看得啦。」
「恁阿兄分的彼四坵芋園予你佇種作，你有常常咧掘園邊無？毋通予園岸的草沓沓竄入來，後次犁無幾逝、賰無幾股，若是按爾著對恁阿兄歹勢。」
「袂─袂─袂啦！」槌哥惟恐讓母親知道詳情，竟結結巴巴地說。
「你講話誠久毋捌重句啦，物事這陣又擱會重句？」
「無─無─無啦！」
「你敢有啥物事志佇瞞騙我，若無你怎樣講話咧咧佇重句？」