「你為著開這草園，出氣勞力流幾落斤汗，拚甲無暝無日，敢佮咱彼幾坵芋園會比得？」烏番嬸疑惑地問。
「俺娘，妳來去看著知影啦。」春桃插嘴說：「咱赫舊芋園，若是逐冬播芋，芋頭攏會貓空貓空；槌哥?因新開的赫園播的芋，芋頭一個一個毋爾袂貓空，又擱會鬆。每一次若擔去菜市賣，人客攏會湊相報，毋免偌久攏嘛賣空空。」
「芋皮?因本身有毒，芋若掘起來，毒素猶原會留咧塗跤底。恁爸較早咧種作的時陣，今年若是播芋，新年一定著疊番薯，芋佮蕃薯兩項相替換種作，才會有好收成。」烏番嬸順機做經驗的傳承。
「俺娘，槌哥?因講這冬芋若掘完，這坵園準備欲插蒜仔。」春桃稟告她說。
「插蒜仔？」烏番嬸想了一下，「蒜仔著重肥，又擱著逐日沃水，無赫好顧。」烏番嬸分析著說。
「聽講蒜仔若顧會起，比疊番薯較好；若是無人買，嘛會使曝蒜頭，袂去予了去。」春桃說。
「我老啦，無法度通共恁湊相共，想欲湊育孫也無氣力。春桃妳著育囝、煮食、洗衫褲、抾內頭，又擱著飼豬、飼雞鴨，敢抑擱有閒工通來山共槌哥湊相共？毋通為著欲顧這坵蒜仔，別項事志放了了，若是按爾，識的佮戇的敢有差？」烏番嬸關心地說。
「俺娘，妳安心，我做會當去啦，絕對袂顧這失赫；而且芋園是澹園，毋免逐日沃水。」槌哥說。
「按爾上好，」烏番嬸叮嚀著，「有某有囝的大人，毋通擱予我這個老歲仔來煩惱。」
他們說著、說著，不經意中已來到新墾的田地，田裡種植的是芋頭。當槌哥和春桃攙扶著母親下車後，只見烏番嬸眼睛為時一亮，興奮又訝異地說：
「赫大坵，我想袂到赫大坵！」
「俺娘，三千外栽爾爾啦。」槌哥扶著她走上田埂，指著田裡說：「妳看，咱抑擱有一半較加的芋還未掘，等七月半才掘來去賣，價數會較好。」
「槌哥，我實在想袂到你有赫大的氣力佮本事，會共這塊狗屎埔開著狀元園。古早恁老爸播的芋，嘛無你這陣播的這大欉，一粒芋頭上無也有斤外重，誠實予我想袂到。」烏番嬸難掩內心的喜悅，竟脫口說：「你這個戇囝，我無白飼你啦！」