「俺娘，妳擱詳細共我看覓，我敢有戇？」槌哥笑著說。
「你啦，著是親像春桃仔講的按爾，無戇假戇啦！」烏番嬸說後，惹得春桃哈哈大笑。
「春桃仔，妳敢誠實有按爾講？」槌哥故意問，似乎有意以此來拖延時間，一旦太陽下山後，幼小的嬰兒是不宜在荒山野地逗留的，因而，母親一定會顧慮到春桃懷裡的小孫子，不得不趕快回家。屆時，勢必就不會想到那四塊田地看看。
「我袂記啦，真戇假戇你該己知影。」春桃笑著說。
「我想著啦，較早妳著是看我戇戇，才欲佮我湊陣做、湊陣食；想袂到竟然擱湊陣睏，又擱生一個戇囝。」槌哥說後，烏番嬸含笑地白了他一眼，春桃的雙頰更紅如西天的彩霞，只有不明就裡的阿秀仔陪著他們傻笑。
「你講講赫是欲予人笑死是毋？」春桃羞澀地說。
「俺娘伊袂笑咱啦！當年咱欲湊陣做、湊陣食，嘛是經過伊的允准。這陣擱共生一個戇孫，伊逐日攏嘛歡喜甲微微仔笑。」槌哥說後轉向母親， 「俺娘，妳講有影無？」
「春桃仔，槌哥誠知影我的輕重，人講有囝萬事足，我這個老歲仔是有孫萬事足。妳看，咱這陣囝新婦、嬤孫仔，五個人歡歡喜喜湊陣來山行跤花，人生敢抑擱有比今仔日予我擱較歡喜得。若是恁老爸身軀勇勇無死，予伊看著槌哥開的這坵園佮這對戇孫仔，?因的心肝內毋知會偌歡喜！」烏番嬸感傷地說。
「俺娘，阮爸伊無福氣啦！」春桃內心亦有點沉重，「妳這陣啥物攏毋免煩惱，山，槌哥?因會發落；厝內的事志，我會來做。妳若身軀勇勇，著是囝孫的福氣啦！」
「春桃仔，毋是我這個老歲仔咧呵咾妳，我有妳這個有孝的新婦，槌哥有妳這個賢慧的家內，兩個囡仔有妳這個好老母，毋爾是祖公祖嬤的保庇，也是咱這家口的福氣！」烏番嬸誠摯地說。
「俺娘妳毋甘嫌啦！講實在得，這幾年來，無管是人情世事抑是做人的道理，我綴妳學誠濟，予我佇這個村內佮人會徛起。俺娘，有妳這個疼痛新婦的好大家，有槌哥這個搰力拍拚的好翁婿，我這世人敢抑擱有啥物通袂滿足得。」春桃以感性的語氣說。
「俺娘，日欲暗啦，我看咱今仔日到這著好。另日若好天，我才擱推妳來行行看看得，按爾好毋？」槌哥說。
「夭壽喔，我煞袂記得日暗啦，」烏番嬸猛而地驚醒，並揮著手催促著說：「咱緊倒來去，細漢囡仔毋通予?因咧外口傷晚，若袂咧拄好，去拄著、去拄著歹物……，緊行啦！」