「啥物人教你賣的？祖公留落來的田園厝宅敢會使賣？你共我較有分寸得，毋通予我凊心啦！」烏番嬸氣憤地說。
「俺娘，這陣啥物時代啦，園契若登記啥物人的名，伊著有權利通賣！」華章強詞奪理地說。
「好，既然你無共祖公看咧目睭內，隨在你！但是你毋免數想欲佇恁小弟分的彼園拍主意。」
「我毋是欲拍伊的主意，我是狀元園欲共伊換狗屎埔。」
「你毋免六月芥菜假有心，你咧變啥物蠓我共你看出出得啦！」
「俺娘，平平是妳的囝，妳袂使大細心……。」
「毋是我大細心啦，是你軟塗深掘，食恁小弟夠、夠、夠！像你這種阿兄，敢有一點仔天良？」
眼見烏番嬸激動的情緒一時難以平復，春桃走到她身旁，輕輕地攙扶著她的手臂，柔聲地說：「俺娘，莫擱講啦，咱來去房間歇睏。」
烏番嬸狠狠地瞪了華章一眼，由春桃攙扶著，緩緩地步入房裡。
目視母親的背影消失在他的眼簾，華章轉而對槌哥說：
「你去共赫園契提來予我看覓。」
「阿兄，我的園契佮你的園契攏是政府發的，無啥物通好看得。」槌哥說。
「叫你去提，你著去提，莫講講赫五四三得。」華章不耐煩地說。
「我的園契、厝契，攏交予俺娘咧保管，欲提你去揣伊提。」槌哥故意推給母親，諒必他也不敢向她要。