「槌哥，看咧咱兄弟的情份上，今仔日算我求你好毋。」華章轉向低調。
「阿兄，佇你目睭內，我這個小弟永遠是槌槌啦，彼年咧分傢伙的時陣，四坵芋園你強強欲提去，又擱無照起工予我種作，逼我出氣勞力去開草園，予我強強欲走頭無路，但是我認命，從來毋捌佮你計較。雖然這陣時機變無仝，四界攏咧起新厝，土地的價數一日數變，一坵瘦園仔嘛有通賣幾落百萬。你今仔日倒來的目的是啥物，逐家心內有數。 毋拄我欲共你講一句實話，阿兄你分的田園你欲怎樣處理，做序細的無權通干涉；但是祖公留予我的田園，我毋爾袂賣，嘛袂予你提去賣！」槌哥毫不客氣地說。
「槌哥，咱是親兄弟呢，你話毋通講赫硬，過去的事志嘛毋通擱講起。阿兄實在有夠可憐得，佇台灣食赫濟年的頭路，抑擱無才調通買一間厝。雖然手頭有千外萬，但是恁嫂仔?因是計劃欲買有車庫的透天厝，可能著二千外萬。看佇咱是親兄弟的份上，我共你拜託，我彼四坵園共你換車路墘一坵。若是以這陣的行情，可能有通賣四五百萬，若有這錢通相添，我著會使佇台灣賣一間樓仔厝。到時，我佮恁嫂仔一定會感謝你這個大恩人一世人。槌哥，阿兄求你好毋？」華章低聲下氣地說。
然而，一生被兄長看扁的槌哥會再上他的當嗎？會被他那三寸不爛之舌感動嗎？似乎是不可能的，只因為今日之槌哥已非昔日的槌哥。可是有一件事卻始終讓他耿耿於懷，那便是哥哥名下那四塊田地。即使哥哥自私自利，不念茲在茲體會先人開墾這片田園的苦心，一心一意只想把它賣掉，好換取金錢到台灣購屋、買車，如此之行逕，的確不配做這個家族的子孫。然而，一旦真的被他賣掉，怎麼對得起先人。