「阿兄，按爾好啦，既然你彼四坵園無人欲買，你開一個價數，若會合，我著共你買起來。」槌哥竟然如此說。
「有影無？」華章興奮地。
「你欲賣偌濟？」槌哥問。
「一坵一百萬著好啦。」
「阿兄你誠愛講笑，」槌哥不屑地，「這款價數你也講會出喙。」
「按爾好啦，四坵三百萬著好。」
「你毋通喊甲一天一地啦，若是按爾咱毋免講。你毋通袂記得，這陣的少年人逐個攏嫌作穡艱苦，攏嘛出去外位食頭路，無人欲擱作穡啦。你當初毋是講欲租人，敢有人欲共你租？你這陣毋是講欲賣人，敢有人欲共你買？阿兄，我是為你設想，毋通留一個出賣祖業的歹名聲，予人一世人咧講閒仔話。若是按爾，賰擱較濟錢也無路用！」
「槌哥，你這隻青瞑牛毋通佮我講講赫大道理！祖公、祖公，祖公伊咧陀位你敢有看到？祖公是假的啦，錢銀才是真的啦！佇台灣彼個所在，若無錢著行無路！毋通搬搬赫祖公祖嬤欲來疊我，我是無咧信彼套！」
「做人若是袂記伊該己是啥，實在是枉費啦！」
「我無彼個美國時間佮你講講赫五四三得。我赫園你有誠意欲買無？」
「價數若是合理，我當然嘛欲買。」
「按爾好啦，四坵二百五十萬著好。」
「咱毋免為著錢佇這咧出來出去，按爾是浪費時間啦。四坵五十萬，你若是會合，咱來去辦過戶，辦好現錢數予你，你通緊倒去台灣買車、買厝，翁仔某通好好享受快樂的人生。」槌哥態度強硬地，卻也不忘挖苦他兩句。
「四坵五十萬傷少啦，」華章嘻皮笑臉地，「你擱添一點仔，予阿兄倒去台灣對恁嫂仔有一個交代。」
「阿兄，論理講這四坵祖公園予我種作也無夠著，但是佇你目睭內拄拄看著錢，拄拄看著某，這塊生你的土地佮老母親像佮你一點仔關係攏無。認真講起來，你讀赫濟書較輸我這隻青瞑牛！」槌哥毫不客氣地說。
「槌哥，你毋通變臉啦，若按爾會拍歹咱兄弟的感情。」華章低聲地，或許深恐槌哥若不買，連五十萬也拿不到。更何況建築商已告訴他，他那四塊地因地勢過低，地點又不好，絕對沒人願意把錢投資在上面。