「俺娘，有孝序大人是應該得，我佮春桃拄拄盡本份爾爾啦。」槌哥謙虛地說。
「佇這個世間，無啥物是應該抑是無應該。像恁阿兄，爸母飼伊大漢予伊讀書，畢業後出社會食頭路趁錢擱娶某，但是?因敢有盡著做囝兒的責任？欲娶某會曉寫批倒來討錢，娶某了後無批無信綴某去；死老爸無出半箍銀，擱計較欲分好園；數想欲賣祖公留落來的田園，通去台灣買厝；對該己的小弟又擱刻薄無起工。唉，講著這個毋成囝，我著規腹肚氣！」烏番嬸憤懣地說。
「俺娘，妳毋免氣啦，總有一日阮阿兄?因會想有，到時?因著會有孝妳。」
「我毋敢數想，」烏番嬸不屑地，「若是誠實有彼日，槌哥啊，彼陣俺娘已經去土漿賣鴨卵啦，等袂著啦！」
「俺娘，」春桃適時走了進來，「妳毋通講赫無吉利的話啦，有妳這個好俺娘佮好俺嬤，是阮這家口的福氣。妳看，妳彼兩個戇孫已經沓沓大漢啦……。」「稍等得，稍等得，」春桃尚未說完，烏番嬸打斷她的話搶著說：「春桃仔，趁少年、趁少年，緊擱生一個、緊擱生一個；一個通顧咱這爿，一個通顧阿生彼爿；著雙爿顧才有起工。」
春桃被這突如其來的話語怔住，即使這是自己婆婆的一番好意，可是仍然讓她感到害羞，而一旁的槌哥卻傻笑不已。
「俺娘，我又擱有啦。」
「偌久啦？」烏番嬸興奮地問。
「兩月外日爾爾。」春桃不好意思地說。
「我看妳這幾日佇食糜的時陣，有時食食停停，又擱會反腹，我心肝內知知得啦！」烏番嬸喜悅的形色全寫在臉上，復又看看春桃，而後故意地說：「我知影妳會歹勢，刁工欲講得啦！」
「俺娘……。」春桃更加地嬌羞。
「俺娘，若是生查某囡仔是欲怎樣呢？」槌哥竟然如此地問。
「招囝婿、招囝婿啊！」烏番嬸指著槌哥笑著說：「你啊，你實在有夠戇、戇甲有賰喔！你著共我記咧，從今仔日起，粗重的穡頭毋通叫春桃做，知影毋？」