「俺娘妳放心，我槌哥無啥物著是有氣力，咱山的穡頭我毋爾會該己做，倒來也會共?因湊飼豬、湊擔水、湊煮食、湊掃塗跤。袂共恁新婦苦毒，妳老歲仔毋免煩惱啦！」槌哥笑著說。
「我知影你搰力擱顧家，你佮恁阿兄平平是佇我腹肚內生出來得，兩個兄弟仔哪會差赫濟。有時我拄拄仔想，這個家若無恁翁仔某，?因毋知會變怎樣？你若是像細漢的時陣赫爾戇，春桃?因敢欲佮你湊陣做、湊陣食？」
「俺娘，我佮春桃湊陣做、湊陣食的事志，是恁兩個先講好得，著毋？」
「你問春桃看覓。」烏番嬸看看春桃，笑著說。
「咱兩個是俺娘做媒人得啦！」春桃說後，惹得三人哈哈大笑。
「古早人講，這世人袂佮啥物人湊陣食糜，註好好得啦！認真講起來，?因著是叫著緣分；緣分若到，袂走袂閃得。」烏番嬸解釋著說。
「春桃?因彼陣著是看我戇戇，知影我袂走袂閃，才會欲邀我湊陣做、湊陣食。」槌哥說。
「毋是按爾啦，」春桃笑著說：「我會曉看命啦，知影槌哥有一日一定會變巧，才欲邀?因湊陣做、湊陣食。」
「妳誠實會曉看命？」槌哥好奇地問。