「阿爸，今仔日是禮拜日，毋免去學堂啦。」
「妳看，阿爸作穡作甲戇去，竟然袂記咧今仔日是禮拜日。」
「阿爸，阿母煮麵線，叫你趁燒緊食，才袂瀾糊糊。」阿秀仔說著，從竹籃裡端出一碗熱騰騰的麵線，遞給他說。
「咱兩個相佮食。」
「阿母有先添一碗予我食啦。」阿秀仔以一對水汪汪的大眼睛看著槌哥，「阿爸，趁燒，你緊食。」
槌哥點點頭，微微地笑笑。
「阿爸，咱這坵園原在欲播芋是毋？」
「是啦，這坵毋爾是澹園，土質也較肥，適合播芋。而且芋的價數也袂歹，伊也是咱兜主要的收入。阿秀仔，妳著認真讀冊，阿爸相信用咱年年賣芋的錢，一定有夠予妳佮恁小弟去台灣讀大學，將來才會有前途。」
「阿爸，你一日到暗攏無通歇睏，實在有夠辛苦得。我大漢毋去台灣讀書啦，我欲共你湊作穡。」阿秀仔天真地說。
「妳毋免煩惱，阿爸的身體勇甲若牛得，會堪的拖磨。阿爸這世人上大的心願，著是請天公祖保庇俺嬤長歲壽，保庇恁姊弟快樂大漢、認真讀書、守本份捌道理，將來佇社會才佮人會徛起；無管將來大漢行到啥物所在，毋通共這塊生咱飼咱的土地放予袂記得。」槌哥神情凝重地說。
「阿爸，你講的話，我會記囥頭殼內。」阿秀嚴肅地說。