「雖然阿爸無讀書，是一個古早人講的青瞑牛，一日到暗攏是佇山咧作穡，但是我認份。既然是作穡人，著成一個作穡人的樣，除了認真搰力去種作，對序大人著有孝、對家庭著照顧、對某囝著關心、對鄉里的事志著熱心、對老大人著尊敬，這攏是咱為人處事的道理。這陣共妳講這，妳可能聽無啥物有，毋拄妳會使沓沓仔去想、沓沓仔去體會。」槌哥語重心長地說。
「阿爸，我這陣已經讀小學六年級呢，你講的話我聽有啦！你有孝俺嬤我嘛看會出來，你對阿母佮阮的關心我嘛感受會著。」阿秀仔認真地說。
「這攏是我應該做的啦，也會使講是我的本份。人若無守本份，無管做偌大的官，趁偌濟的錢銀，攏無路用。這點也是為人處事的原則。」
「阿爸，你講的這話，佇學堂先生攏有教著。雖然你細漢無讀冊，但是捌的道理誠濟。阿爸，我毋爾會聽你的話，嘛會好好共你學習。」
「聽恁俺嬤咧講，阿爸細漢的時陣發燒、燒過頭，頭殼變戇戇，也著是像恁講的傻瓜啦……。」
「有啦，我捌聽俺嬤咧講。」阿秀仔說著，突然笑了出來，「俺嬤擱講，你從佮阮阿母湊陣食了後，煞愈變愈巧，愈變愈識，較早講話會重句，這陣攏袂。俺嬤講是天公祖佮祖公佇保庇啦！」
「俺嬤講的無毋著，阿爸較早戇戇，才會予人叫槌哥。這個名雖然無啥物好聽，但是叫習慣著變自然，較早俺公也是按爾叫我，這陣俺嬤佮恁阿母也是按爾叫我，鄉里人也是按爾叫我。雖然逐個叫我槌哥，毋拄人的價值毋是佇伊的名字，妳看阿爸這陣敢抑擱有戇戇槌槌？」槌哥毫不在意地笑著說。
「無啦！」阿秀仔得意地，「這陣誠濟人攏嘛佇俺嬤佮阿母的面頭前咧呵咾你，做你的囝兒我嘛感覺仔誠光榮。」
「這世人會當做一家人是緣分啦！阿秀仔，尤其咱兩個，擱較著珍惜咱這陣的爸囝緣。妳的生爸阿生過身時，妳已經幾落歲啦，妳對伊定著抑擱有淡薄仔印象，這種事志是袂瞞人得。雖然恁阿母無棄嫌我當年戇戇，欲佮我湊陣做、湊陣食，這陣也有小弟啦，擱無偌久又擱會加一個，但是阿爸共妳保證，恁攏是俺嬤的乖孫，是阿爸佮阿母的乖囝，絕對無人會有大細心！」