「俺嬤，阮阿爸佇掠芋蟲實在有夠厲害得，?因掠一尾，捏死一尾，芋蟲的腹肚腸仔攏嘛流流出來，實在有夠恐怖得！毋拄阮阿爸?因攏毋咧驚。」阿秀仔說著，內心似乎亦有些驚恐，但卻也敬佩父親掠芋蟲的勇氣。
烏番嬸目視著前方，專心地聆聽兒媳與孫女的敘說，而後不斷地點頭微笑，內心的喜悅不僅隱藏在她的心裡，卻也寫在她的臉上。
「槌哥仔，今仔日恁老爸若無死，看著你這個戇囝赫爾搰力佇種作，?因的心肝內毋知會偌歡喜。」烏番嬸看看他，含笑地說。
「俺娘，咱今仔日有這園通種作，是祖公祖嬤的庇蔭；有通收成，是天公祖咧保庇，我佮春桃盡著作穡人的本份爾爾。既然咱這世人註定是作穡命，著佮這塊土地有分割袂斷的關係。俺娘，妳是生我的老母，但是若無祖公留落來的這田園，一定無法度通種作。無種作，著無收成；無收成，著無五穀通飼阮兄弟仔大漢。認真講起來，這田園佮俺娘仝款偉大，攏是阮的老母，阮會永永遠遠記囥心肝內。」槌哥感性地說。
「槌哥，你講的無毋著，既然咱生佇這塊土地，著認同這塊土地；既然咱是作穡命，田園著是咱的衣食父母；但是有土地、有田園，也著欲認真搰力去種作，才有收成。雖然這陣清平啦，時機嘛變誠濟，一四界攏佇起新厝，車路墘赫瘦園仔若欲共賣去，睏一醒起來，咱兜已經是上千萬的好額人。若共彼錢囥銀行，月月有內錢通提，咱會使毋免種作著有通食。槌哥，我知影你是一個袂忘本、袂背宗的乖囝，無管人出偌濟價數，你猶原袂動心，猶原欲共祖公留落來的這田園，靠該己的氣力來種作，無咧數想賣祖公的田園來好額。你的做法，毋爾鄉里人呵咾，嘛予我這個老歲仔感動甲強強欲流目屎。」烏番嬸說後，眼眶也紅了。
「俺娘，錢銀人人愛，擱較濟嘛無人會嫌。但是錢銀著靠該己來拍拚才有意義。祖公留落來的田園厝宅，是欲予囝孫代代相傳，是欲予囝孫知影?因彼當時墾荒的艱苦，?因的價值毋是錢銀買會著得。聽講古早時，不肖的囝孫若共田園厝宅賣去，會予人講是了尾仔囝。」
「這陣了尾仔囝誠濟，咱兜嘛出一個……。」烏番嬸尚未說完。
「啥物？」槌哥和春桃訝異地。