「恁兩個毋免瞞我，恁是毋是提錢共恁阿兄買彼四坵園？」烏番嬸慢條斯理地說，情緒似乎沒有太大的波動。
「俺娘……。」槌哥剛開口。
「你毋免講，我心肝內知知得。阿章這個了尾仔囝心肝誠雄，伊這逝倒來的目的著是想欲賣彼四坵園，若是賣無成，伊定著會佮恁膏膏纏，袂赫緊就倒去台灣。我知影恁翁仔某的用心，提錢共買起來，才袂予這四坵園變別人的。」烏番嬸搖搖頭，語重心長地說。
「俺娘，妳哪會知影赫濟咧？」槌哥不明就理地問。
「我會生恁，敢予恁瞞騙會咧過？」烏番嬸淡淡地說，「我老啦，無氣力啦，為著欲佮恁翁仔某參赫孫湊陣食幾年仔，我才無佮彼個了尾仔囝車拚，毋是我佇驚?因啦。」烏番嬸內心似乎有無長的感慨。
「俺娘，這項事志既然已經過去著煞煞去啦。若是咱的田園會當留落來，又擱無拍歹兄弟之間的感情，了淡薄仔錢袂要緊。而且這錢毋是去予別人，是去予該己的兄弟提去，我佮春桃攏袂怨歎啦！」槌哥說。
「是啦，俺娘，咱有通食、有通穿，無欠缺赫錢啦！人講有人著有錢，錢銀擱沓沓趁著有。既然阿兄伊欲用赫錢去買厝、買車，咱也莫去佮伊計較，祖公彼園會當留落來比啥物較重要。」春桃安慰她說。
「我知影恁翁仔某有量，俗語話講：有量才有福！我相信天公祖佮咱祖公祖嬤毋爾會保庇恁、也會補償恁！」烏番嬸雙手合十、虔誠地祈求著。
「俺娘，妳若長歲壽，大細若平安順贖，其他的攏袂要緊啦！」槌哥說後，手推車也上了田埂，「俺娘，芋園到啦，咱落來去看看好無？」
槌哥緊緊握住手推車把手，春桃攙扶著烏番嬸，阿秀仔則牽著弟弟，讓他們安全地下車。而後烏番嬸右手牽著阿秀，左手則牽著阿弟仔，祖孫三人迎著微微春風，含笑地站在田埂上。面對著那片綠油油的芋葉，再看看足足有小孫子手臂粗的芋莖，復又目視著「掘」的整整齊齊的「園邊」。