槌哥啊，恁毋通袂記得，咱著時時刻刻用一種感恩的心來對待這田園，千千萬萬毋通好好園來予變草埔，若是按爾，毋爾對不起咱的祖公，嘛對不起這塊土地！」
「俺娘，妳講的每一句話，我佮春桃攏會深深囥佇心肝內。咱這陣規家口攏徛佇園岸頂，我相信咱的感受攏仝款。作穡人離袂開田園，咱又擱靠這塊土地佇生存，會使講人佮土地有誠深的親密關係，俺娘，妳講著無？」
「槌哥，想袂到你作這幾年穡，竟然對人佮土地有赫爾深的理解，可見你有用心咧種作，嘛有用心咧體會，愈來愈有作穡人的範勢。祖公留落來的這田園，毋免驚會變草埔啦！」烏番嬸興奮地說。
經過母親如此一說，槌哥已難掩內心的興奮，春桃更是與有榮焉，喜悅的心情洋溢在這個春風輕吹的原野上。為了不讓母親有任何的疑慮，為了達成母親的願望，他重新推來手推車，並囑咐著說：
「春桃妳扶俺娘、阿秀妳牽小弟，予伊兩個來坐車。」槌哥說後，雙手緊握推把，等待老少上車。
於是，全家大小又一次地環繞先人遺留下來的田園。槌哥邊推著手推車，邊把田地座落的小地名與種植的作物一一向母親述說，試圖喚起她老人家爾時的記憶和甜蜜的回憶，讓她怡悅的心情達到最高的境界。
──「俺娘，妳會記的袂？這坵叫做刺仔跤，咱捌疊蕃薯，抑捌種塗豆。」
──「俺娘，妳會記的袂？這坵叫做大墓口，咱捌種露穗，抑捌種麥仔。」