「抑擱有一項事志，恁兩個攏著共我記得。我對台灣彼家口、對阿章彼個了尾仔囝、對彼個目睭生佇頭殼頂的北仔查某，已經袂講得凊心啦！有一日我若四跤拔直去，叫伊毋免倒來送我！」烏番嬸激動而憤慨地說。
「俺娘，妳毋通講講赫啦！」槌哥皺著眉頭說。
「槌哥，咱擱共俺娘推來去四界行行看看得。」春桃不忍心地看她如此的傷感。
「毋免啦，該看的我已經看過啦，該講的我嘛已經講過啦……。」烏番嬸竟有些哽咽。
槌哥和春桃看到如此的情景，內心似乎亦有莫名的感傷。原以為全家大小陪著母親上山，是想讓她看看先人遺留下來的田園並沒有荒廢成草埔，更想讓她親眼目睹兒媳耕耘這片田地的用心，以及激起彼時她與父親同甘共苦從事農耕的種種回憶。即使部分目的已達成，但卻引起她不必要的感傷，的確是他倆意想不到的事。
「俺嬤，妳哪會目箍紅紅，是咧想俺公呢？」阿秀仔輕輕地撫了她一下臉龐，不捨地說。
「俺嬤咧想，有一日恁若大漢，毋知會離開咱這塊土地袂？」烏番嬸用手拭了一下眼角。
「俺嬤，阮阿爸叫我著認真讀冊，大漢通去台灣讀大學，到時若是離開，也是暫時得啦。就親像佇大樹頂做岫的鳥仔，伊若是大隻翼鼓硬著會飛出去；但是飛出去嘛會擱飛倒來歇岫，而且擱會曉通咬蟲倒來飼鳥爸、飼鳥母。俺嬤，我講的這個小故事，國語叫做反哺。妳看，鳥爸佮鳥母共鳥囝飼大，鳥囝大隻了後嘛會曉去揣食的物件倒來飼鳥爸、飼鳥母。阮姊弟是俺嬤照顧大漢的，是阮阿爸阿母飼大漢的，阮會親像鳥仔彼一樣，若是翼鼓硬飛出去，會擱飛倒來歇岫，嘛會來反哺，絕對袂放序大人毋顧，該己溜溜去！」