咱親像一隻鳥仔盤山閣過嶺
來到青分的海岸
手提一張車票的錢額
前途茫茫咱毋知通驚
干但想講欲怎樣來拼
因為厝裡還有細囝
要靠咱拍拼共飼大
迎接美好的生活

　十八歲就親像鳥隻的運命
漂浪過海無依無倚
目屎流目屎滴嘛毋敢哭出聲
干但想講欲怎樣來拼
因為阿爸有交代我
人若甘願做，毋免驚沒犁通拖
你佇這我佇彼，攏咧認真拼

　袂當倒去故鄉是為啥？
父母踮佇厝裡是佮咱疼命命
袂當踮佇身軀邊有孝
是咱心肝內永遠的痛
敢講咱攏是油麻菜子命？
聽講咱這是幸福的鄉社
想欲問天公伯敢有真正
為啥物咱攏是流浪佇外？

　序大人的康健是咱唯一的靠山
到即陣，少年囡仔嘛是著出外
同款咱當初佇外口流浪的生活
厝內干但賰公務人員佮老歲仔
少年的攏著渡海去拍拼
一下過年飛船嘛毋知欲坐佗即隻
機票閣較貴嘛著愛倒去看序大
規年迵天拄仔包一紅包就算額
敢講這就是咱幸福的鄉社？
老歲仔的孤單
是欲向望啥物人來看破

　其實咱毋免遮爾艱苦佇過活
咱有一片美麗的海岸
咱的頭殼頂有酒廠做靠山
咱還有一陣肯拍拼的少年囡仔
塗跤有清氣的土地通靠倚
若是有人下當乎咱倒去彼
才是咱真正福氣的身命
咱才是真正第一名幸福的鄉社
無人有才調通佮咱比的贏

　故鄉的海岸親像天邊的晚霞
紅艷的色水照甲外位人目赤
鳥歇的跤跡規海岸
毋知底時咱下當倒去彼？
佇咱厝內哪有通趁食
敢物人願意離開咱的海岸
即條縛咱五十年的草索仔
是欲向望啥物人來破
感謝頭目鳥仔飛幾落逝
講是厝內俺娘會保庇我