太武山閣佇遐咧目睭
花是按怎來成做一蕊火

重新徛在機場的氣候
我才知影眼著的這葩霧
雖然是火是銃聲
恬靜卻漸漸剾掉矛盾的發角
只留下毋甘的聲說

金門佇手頭號做身分證
向時的軍人證
煞已經愈來愈瘦
愈來愈癉
伸手共伊攬牢牢
反常是漸漸--的欱過來
我也定定無抵抗
因為伊親像是咧講：
你也知影通轉來--呢

「因為記持的彼條橋猶未好--啊」，

越頭掀開漁村頂懸的口音
罩雺無的確是牛奶色
楗著砲彈，彼支菜刀
猶原是咧刜海湧
通好予原味的閩南話
起行；

不而過退伍令的跤步直直捒
經過烏水溝了後
厝內的高粱酒又閣開始咧
正常的痚呴