紅色雺霧袂散
是歷史的記號，喝咻的溫度
猶原紅膏赤■

目睭前雖然烏色
向前的跤步猶原紅絳絳，
停睏的名字無佇行徙的字典內，親像
是只賰這所在
猶有紅記記的紅露酒
Teh聽著米酒 h?羒m米的溫柔。

白酒的氣口siunn雄
一杯閣一杯的清甜
配著菜刀聲磨--ah磨
雖然攏是楗著島嶼的目屎
不而過已出現著淡薄仔的憂頭結面，
就連手頭的貢糖想欲坉入批信的缺角內
也漸漸成做
刜開的空喙

「天邊海角有所的向望，日頭色的島嶼
烏水溝內底，猶閣有teh跳動的心臟」；

踮佇速度頂懸的詩句
向時是有偌濟砲彈來飛過，
攏予彼杯高粱酒來吞落去
肩胛頭的形狀
也漸漸仔有胸坎的力頭

只是講現時的這條文字
也早就失去了時間
徛算是無聲無風無火也無石頭仔--ah
煞比島嶼的雺霧
閣kah雺霧
金色的窗仔門--neh？

換做這杯高粱酒來吞入嚨喉
毋是聽著罩雺內的心跳聲
竟然是梢聲
金門的罩雺
是愈來愈厚的梢聲