阿嬤給你的名是 番薯
大孫 你是伊的心肝
是阿母的命
是阿爸臭屁的 燒酒話
大兄 是小弟叫你的名
細漢 東門仔尾
是咱的透早 逗陣的所在
加茉葉 它是咱的雨傘
桌罩 是咱捉魚的網
中斑是咱的 七桃魚
冬菜瓮仔 一人一個
一支扁■ 一桶肥
兄弟一人 扛一頭
囡仔會大漢
一腳粗桶 變一擔
你娶頭
漏桶 咱一人一擔
番薯栽 一支一支剪
擱澆水它會擱大
手推車推出去 換咱一日的三頓飽
在東門佇一角仔 是阿嬤對咱的期待
你走時 親像細漢
玉米田裡 躲相找
但是這遍 阮喊無聲
加一加二 阮追無人
靈堂上 你相片的笑容
就像抓住中斑那陣 得意■表情 像款
中斑免打氣會活
番薯栽 下土一遍水
臭賤 膨膨大
多希望你 親像番薯栽下土就活
凡勢是澆燒酒 所以這遍種不活
過癮 是你作阿公時的感覺
歡喜 是你抱孫仔時的快樂
就像 番薯栽賣完那時 ■歡喜
番薯田 有釘秤仔
一代一代傳
恁孫 卡沒福氣
無緣 聽你少年時的臭屁故事
但是 你愛保佑他們每個好好大
像番薯栽下土 就愛開枝散葉
一掛 弓破土
這些話要對你的 本來是在你出山那日
但是真實 講莫出喙
北雁 輕逐 大隻帶小隻
秋風 佇在 莒光樓湖邊
楓仔 紅艷無話 垂柳也無言
這是你跑步的所在 現在找無你跤跡
思念 似落葉飄搖 如垂柳輕招
敲動 不安的菅芒
那親像這陣 我的心成
大兄 你甘會知影
　（稿費捐家扶中心）