阿公種規世人的蘆黍
猶毋過伊無介常啉高粱酒
伊講伊袂誠愛啉
阿爸講阿公真鰲啉，是
毋甘啉

阿公的忌辰彼日
我攢一桌伊愛吃的物
佮半打的高粱酒摻形拜
我問阿公講
汝有吃飽無？
燒酒有夠啉無？
伊攏無應我

阮小漢阿公定定佮阮講
咱祖公三四代人才有才調起一間厝
一粒米，百粒汗
恁著會曉珍惜
勤儉是根本

唉！
阿公打拚作穡
又閣過頭虯儉
在生毋甘吃，也毋甘用
伊啉過的高粱酒，內底
一定有真濟伊
作穡流下的汗水，佮
收成的時陣喜悲的目屎
的滋味

註：
在金門，都管雜糧作物高粱叫蘆黍。
一個人的故事，好像又不僅僅是一個人的故事。