「袂啦，袂啦，汝毋免煩惱，我袂醉啦！普通話毋是講『人生難得幾回醉』，咱今仔日就來共試看覓！到底是『酒不醉人、人自醉』，抑是『酒逢知己千杯少』？」阿南竟然出口成章。
「阿南啊，想袂到汝會講出這款文句，汝是佮啥物人學咧？」阿順仔訝異地問。
「簡單啦、簡單啦，無啥物大不了啦！」阿南似乎已有些微醺，有點語無倫次，「我、我、我共汝講實話啦，徛佇大樓彼個矮股文書，看起來猴猴，學問真好，開喙著是文句，伊講『人不可貌相，海水不可斗量』。阿順仔，我記咧細漢的時陣，鄉里人攏嘛講我戇戇呆呆又閣番番，看我真衰潲。尤其是娶一個大腹肚的查某，閣去討契兄，閣卡予人看無通起。阿順仔，我這世人誠衰潲，汝撖知影？我這陣坦白共汝講，我毋是酒醉，我是『酒後吐真言』！」說後哈哈大笑。
「阿南仔，我實在想袂到，汝今仔日竟然會落彼最文句出來，若是予鄉里人聽到，一定會驚死！」
「無啥物啦，遮攏誠簡單啦！第一著是『人不可貌相』，第二著是『酒後吐真言』，按呢爾爾啦！汝想看覓，當年秋蘭彼個肖查某，雖然生了袂歹看，尻川翹、奶閣大粒，但是靠一張水面無潲路用啦！除了未嫁佮人大腹肚，嫁尪了後又閣去討契兄，這種人實在『不可貌相』。矮股文書嘛講一句『家醜不外揚』，照理來講，真最見笑代誌應該毋通講予外人聽，但是對汝，我是『酒後吐真言』啊！雖然咱是隔腹兄弟，但是比親兄弟抑閣卡親，無啥物袂使講咧啦。」
「阿南啊，汝真實是『不可貌相』，一杯燒酒入喉，竟然會『吐真言』，實在予人想袂到。但是汝吐的真言，攏總是對秋蘭的不滿，罵伊袂見笑、臭查某。若是按呢，這款真言就無啥物意思啦！」
「阿順仔，汝毋是當事者，體會袂出我的心情。啥物人也接受家己的某去討契兄，予我一世人頭殼舉袂咧起，實在有夠衰潲矣！」
「秋蘭已經埋入塗，肉體嘛爛去啦，較早所有的恩恩怨怨就一筆勾銷。以後■燒酒就好，毋免酒後吐真言，嘛毋通閣講起秋蘭討契兄的代誌，若無者，汝會氣歹身命。總講一句，煞煞去啦！」
「啥物代誌攏會使煞去，獨獨秋蘭討契兄這項代誌永遠記咧我的頭殼內，絕對袂放予袂記矣！這個臭查某予阮爸仔囝佮人袂徛起，會死袂出世！」阿南激動地，把酒杯往阿順仔的面前挪去，「閣倒一杯。」
「汝已經■袂少啦，明仔日再閣■啦，稍等的燒酒醉就艱苦。」阿順仔勸導他說。
「袂啦、袂啦，我袂醉啦、我袂醉啦！矮股文書講了無毋著，酒逢知己千杯少。阿順仔，汝毋爾是我的隔腹小弟，也是我的知己。咱攏總才■三大杯，若是倒細杯的，也拄拄十外杯爾爾，距離千杯抑真遠，所以汝毋免驚、毋免驚，我袂醉啦！」阿南已滿面通紅，眼睛滿佈血絲，又語無倫次，誰會相信他沒有醉呢？但卻也沒什麼好奇怪的，因為酒醉的人，永遠都說自己沒醉；如果自己承認自己喝醉，那不是很奇怪麼？
終於，阿南已不勝酒力，雙眼滿佈血絲，不停地打呵欠，復又雙手墊著頭，閉著眼睛扒在桌上。但口中卻不斷地唸著：「俺娘喂、俺娘喂」，而後是「嘔、嘔、嘔」的吐聲，痛苦的神情不言可喻。
阿順仔目睹如此的情景，不禁搖搖頭，感嘆地說：「阿南仔，燒酒毋是好料，是穿腸毒藥，酒逢知己千杯少，人生難得幾回醉，攏總是假的啦，毋通■相最才是真的！人生海海，汝著知福惜福，過去的代誌就予伊過去，毋通閣想想遐五四三的，若無者，汝會艱苦一世人……。」
（五之五／全文完）