阿滿仔是阿乞叔仔夫婦收養的養女，養女本地話叫做「新婦仔」。通常新婦仔「飼大漢」，除了幫忙做家事，有些也會跟自家的兒子成婚，就是俗稱的「做大人」。但阿乞叔仔夫婦收養阿滿仔的那年，他的兒子添丁才誕生，所以阿滿仔足足大添丁四歲，又是女大於男，將來勢必不可能讓他們結為夫妻。然這似乎只是外人的臆測而已，阿乞叔仔夫婦自有他們的盤算，甚至「某大姊」在島鄉也比比皆是。
但不管將來會不會跟自家的兒子做大人，新婦仔畢竟不是他們的親骨肉，難免會對她們另眼相待，養母虐待養女更是時有所聞。她們既然因家庭的緣故必須送人收養，成為別人家的新婦仔，凡事就得看人家的臉色。
而且要吃飯就要做事，長大後每天一早起身，除了煮糜、洗衫、擔水、飼豬、飼雞鴨，還得上山下海……，幾乎樣樣來，分擔不少家事和農事，可說是養父母得力的好幫手。但有些並沒有受到應有的對待和最基本的尊重。「夭壽死囡仔」的辱罵聲從不間斷，還要嚐嚐「竹甲魚」的滋味，真應了「別人的囝死袂了」的俗語話，只因為她們是命運多舛的新婦仔。
阿滿仔五歲那年，因父母遭受匪砲擊斃而雙亡，由結婚多年未曾生育的阿乞叔仔夫婦收為養女。儘管她是新婦仔命，卻在她進門時為這個家庭帶來好運，久婚不孕的阿乞嬸仔竟生下一個男嬰，夫婦倆興奮的心情不言可喻，於是幫他取名為添丁，希望日後還能再添丁。
然而添丁的誕生，卻加重阿滿仔的工作負荷。小小的年紀就必須到井邊汲水幫他洗尿布，又得揹著他燒柴煮飯、餵養雞鴨，一旦讓阿乞嬸仔看不順眼，除了挨一聲「夭壽死囡仔」外，還要以藤條伺候，這莫非就是新婦仔的無奈。即使阿滿仔年紀小，卻懂得認命，淚水只好往肚裡吞，但心中卻也發出如此的怒聲：就讓她打、讓她罵吧！看她要凌虐到幾時？她不相信天公祖「無鼻無目」，會看不清她的惡形惡狀！
阿乞嬸仔在他們村莊以「歹死」出名，就如同是一個不可理喻的潑婦，村中的婦女私底下叫她「虎豹母」。除了經常跟鄰人爭吵，管教新婦仔更是嚴厲，苦毒新婦仔亦有其獨特之處。她不許阿滿仔跟他們同桌吃飯，每每都是隨便弄點飯菜要她到一旁吃去，甚至故意讓她吃隔夜「臭酸」的安茨糜。萬一沒有把家事做好，或是有點小差錯，開口就是：「夭壽死囡仔、夭壽死囡仔，汝誠袂好、誠夭壽喔！」順手拿起藤條，就往她身上抽打。而且還邊打邊問：「後次敢毋？後次敢毋？」反正不是自己的骨肉，一點也不覺得心疼。直到她痛得蹲下求饒：「我毋敢、我毋敢，我後次毋敢！」才停止。但她還是不忘再補充一句：「夭壽死囡仔咧，後次若是無聽話，恁爸就拍予汝半命！」伸手又擰了她一下大腿。
因此阿滿仔的臀部和腿部，幾乎被她扭絞得「烏青積血」，如此的行徑，本地話叫「苦毒」，國語叫虐待。每每聽到阿滿仔被阿乞嬸仔用藤條打得哇哇大叫，鄰居虎嬸仔聞聲，總會前來關心或「佔煞」。小女孩如獲救星，委曲地緊抱她的腰際不放。可是阿乞嬸仔仍然不放過她，除了趁機再打她幾下，口中也會不停地咒罵她說：「汝這個夭壽死囡仔，會死緊去死，毋通按呢咧治我！」凡此，無非就是養母「拍人喊救人」的惡毒嘴臉，也是阿滿仔這個歹命新婦仔的宿命。
轉眼，阿滿仔已到了上學年齡，雖然阿乞叔仔想讓她讀點書，以免長大後成為不識字的「青瞑牛」，但阿乞嬸仔卻堅決反對。她不屑地說：「查某囡仔讀啥物冊，會曉煮糜、洗衫、飼豬、飼雞鴨、育小弟，大漢嫁尪、生囝上要緊，捌字無路用、袂做糜食矣啦！」
「我看著予伊去學堂讀三兩年仔冊，大漢才袂變青瞑牛。」阿乞叔仔堅持著說。
「無彩工啦！」阿乞嬸看看身旁的添丁，憂慮地說：「若是予伊去讀冊，添丁是欲叫啥物人來育咧？」
「咱會使共添丁帶來去山，予伊踮園頭的樹跤佚佗。阿滿仔雖然毋是咱的親骨肉，既然欲共伊育來飼，著共伊當著咱家己的查某囝來看待，毋通不時欲大聲細聲罵伊，大力細力拍伊、捻伊，才袂予厝邊頭尾講閒話，才對得起咱的良心。」阿乞叔仔提醒她說。
「新婦仔就是新婦仔，無教示撖會用矣？細漢若無共伊壓落底，大漢會爬上咱的頭殼頂放尿。這點小道理汝撖毋知？我敢做、我著敢擔當，毋免管厝邊頭尾會講閒話！」阿乞嬸仔不悅地說。
「教示百百種，好話一句，歹話也一句，毋是拍罵著叫著教示。汝毋是講將來欲予伊佮添丁做大人，若真實按呢，伊將來就是咱的新婦。既然是咱的新婦，著共伊疼惜，毋通一日到暗欲拍欲罵，對良心嘛袂咧過。」阿乞叔仔開導她說。
　　「我是凊彩講講矣啦，阿滿仔這個死查某鬼仔大添丁幾落歲，到時添丁是毋是會嫌伊『臭老』，毋佮伊做大人。若是按呢，咱毋是做白工、白疼伊。我共汝講實在矣啦，汝毋免吃飽傷閒，不時咧替這個死查某鬼仔講話！對天講話，毋是我想欲拍伊，是伊家己欲討皮痛！」阿乞嬸仔不屑地說。
「無管怎樣，阿滿仔一定著予伊讀三兩年仔冊，上無嘛著會曉寫家己的名，嘛著會曉算數，才袂予人看無通起啦。」阿乞叔仔替阿滿仔設想地說。
「我今仔日共汝提醒，阿滿仔一個生了幼秀幼秀、伶伶俐俐，面型也袂歹看，大漢一定是一個水查某。若是閣予伊去讀冊捌字，將來無定著會綴兵仔走，到時汝後悔就袂赴啦！」阿乞嬸仔憂心地說。
「毋通想想彼最啦，時到時擔當。上好是大漢會當佮添丁仔做大人，予因兩個來育囝育孫、傳宗接代，按呢才是咱的福氣。」阿乞叔仔期待著說。
「若是添丁大阿滿仔四歲著好啦，偏偏查某大查甫彼最歲，將來若是做大人，會予人講是某大姊。」阿乞嬸仔有些失望。
「查某大查甫四歲哪有最，姆婆大伯公足足八歲，兩個生囝育孫，嘛是過一世人。姆婆對伯公的照顧，鄉里人攏嘛看有著。伯公叫姆婆去店仔買燒酒、買紅薰，姆婆攏嘛走緊緊，毋敢講一句毋。誠最人攏嘛講伯公娶著姆婆這個某大姊，一世人坐金交椅，誠好命。」阿乞叔仔笑著說。
「原來按呢喔，姆婆看起來一個老硞硞，伯公親像一個中年紳士，兩個無成是一對尪仔某，親像是老大姊佮細漢小弟。阿滿仔生了較幼秀，將來若是佮添丁做大人，生囝育孫後，應該袂親像姆婆一個老硞硞才著。」阿乞嬸仔說。
「汝若是有意思將來欲予因兩個做大人，著加予阿滿仔淡薄仔疼惜。毋通別人的囝死袂了，不時欲共伊拍、共伊罵，予伊食臭酸糜，想空想縫欲共人苦毒。若是繼續按呢落去，伊會記恨汝一世人，毋免數想將來會友孝汝。毋通袂記矣，人講舉頭三尺有神明，天公祖目睭金金咧看，歹代誌若做傷最，會得到報應，會去予雷公敲！汝撖袂驚？」阿乞叔仔提醒她說。
「阿滿仔毋是咱親生的骨肉，一定佮咱無仝心，若是無拍、無罵，無共伊教乖，大漢就會變款，這點我比汝閣較清楚！我敢做，就毋驚去予雷公敲。汝乞仔毋免共我說教，也毋免替我擔心，我無咧信這套啦！」阿乞嬸仔理直氣壯地說。
「汝講的雖然有淡薄仔道理，但是做人毋通傷過份。講實在的啦，因兩個抑閣細漢，抑著食真最五穀才會大漢，做大人的代誌抑閣早矣。以我的看法，無管怎樣，阿滿仔一定著予伊去學堂讀幾年仔冊，大漢才袂變青瞑牛。」阿乞叔仔再次地提醒她說。
「我無意見，好歹汝著負責任，佮我無治代。大漢若是綴兵仔走，彼聲汝著知死！毋免數想欲予伊佮添丁仔做大人，毋免數想欲育囝育孫、傳宗接代！」阿乞嬸仔警告他說。
「我共汝保證，伊大漢一定袂綴兵仔走！是毋是會佮添丁仔做大人，著看添丁仔有這個福氣無。無管怎樣，我明仔日一定欲帶伊去學堂報名，予伊去讀冊。」阿乞叔仔堅決地說。
然而，村人再怎麼想也想不到，向來口無遮攔的潑婦阿乞嬸仔，竟會讓她口中的夭壽死囡仔新婦仔到學校讀書，簡直出乎許多人的預料。但這不僅是千真萬確的事，村中一些沒書可讀的同齡女孩，更是羨慕的不得了。她們雖是父母親生，竟不如一個被人家收養的新婦仔，想不讓她們怨嘆也難啊！即使阿滿仔難掩內心的喜悅，但她心中也明白，有這個上學讀書的好機會，是向來疼愛她的阿爸為她爭取而來的，她除了會好好用功，也會永遠銘記在心頭。（一）