「海嫂仔，汝佮恁海哥仔歲聲嘛差袂少，伊撖有予汝抽了了？」羊哥嫂仔取笑她說。
「阮兜彼隻死老猴，七少年八少年就袂用的啦，老早就無膏啦，想欲共伊抽，嘛是抽無物件了白工。我毋驚恁笑啦，阮兜彼隻死老猴，規身軀死了了，拄拄賰彼支喙毋死！」海嫂仔竟臉不紅、氣不喘地數落起自己的丈夫，讓其他人聽來，感到有些不好意思。
「汝毋通亂亂講，若予恁海哥仔聽著，日暗倒落眠床，伊就揣汝算數。」豬母也笑著提醒她說。
「這款代誌講出來無啥物通見笑的，各人的體質無仝款，有人食甲七老八老，還是一尾活龍；有的七少年八少年，就親像一尾蟲。阮兜彼隻死老猴就是親像一尾蟲啦，拄拄會動爾爾、無力通趖啦！」海嫂仔笑著說。
「汝講恁翁七少年八少年就袂用的，若真實按呢，汝四十歲親像虎的時陣，日子是欲怎樣過咧，撖會想欲去揣契兄？」闊喙玉仔開玩笑地說。
「汝看我這種樣相，歹看擱無肉，一個親像矮仔冬瓜，徛佇咱鄉里彼老北貢，看著我這款範勢嘛倒彈，咱的人倒貼也無人欲。予恁講，是叫我欲去陀位揣契兄咧？我看汝闊喙玉仔世面較貓，才共我牽猴啦！」海嫂仔對著她說。
「汝講有定無？」闊喙玉仔笑著問她說。
「汝先共我講是啥物人？」海嫂仔反問她說。
「村公所彼個見著查某就好的貓面指導員啦！」闊喙玉仔說後，情不自禁地哈哈大笑，眾人也跟著大笑，只有海嫂仔笑不出來。（三）