「夭壽喔，彼個貓面指導員實在有夠豬哥神矣，無管是老抑是少年，見著查某就跤來手來，有一次竟然趁我無注意，偷挲我的尻川。我出手大力就共伊巴落去，大聲罵伊：『汝這個夭壽填海，目睭展無金，連恁祖嬤的老尻川汝也敢挲，恁祖嬤一定毋放汝煞！』伊想袂到我會發脾氣，趕緊講：『阿嫂，我是跟妳開玩笑嘛，妳不要生那麼大的氣好不好。』我無客氣大聲共伊講：『開玩笑毋是這樣開法，汝毋通講汝是指導員，就會使食規鄉里查某人的豆腐。汝若豬哥神毋改，有一日汝會踼著鐵板！』伊看著我咧變臉，又擱咧警告伊，趕緊講：『對不起，對不起！下次不敢，下次不敢！』伊講煞，我『喀─』一聲，一喙臭瀾呸佇伊的面前。」海嫂仔神氣地，突然又對著她們說：「予恁講，恁啥物人無予貓面指導員偷挲過？可能是予伊挲挲的，暗爽佇心肝內，歹勢講出來，是毋？」
「汝實在誠夭壽，家己予伊挲過，又擱牽拖別人。予恁遮講良心話，是毋是按呢？」闊喙玉仔笑著對眾人說。
「海嫂仔生了膨皮膨皮，身軀擱有肉，貓面指導員才會數想欲共伊挲啦！」豬母也笑著說。
「汝這隻肖豬母，去配彼隻老豬哥拄拄好，汝若欲，我才來去共汝牽猴啦！」海嫂仔不甘示弱地說。
「我身軀欲肉無肉、欲料無料，賰兩支排仔骨爾爾，貓面指導員欣賞的是恁這種有肉擱有料的查某。」豬母也竟然一桿子打落一船人。
「汝這隻肖豬母，講袂贏人竟然牽拖阮遮。聽講貓面指導員，上佮意就是親像汝這種骨感骨感的排骨酥。」闊喙玉仔說後，不禁笑出聲來。
「真奇怪呢，咱頭先明明是佇講翠英佮副營長的代誌，這陣哪會針對我豬母也。恁是看我無肉較好欺侮是毋？」豬母也故裝委屈地說。
「翠英佮副營長的代誌，咱今仔日已經講真最啦，賰的後次才擱講。講實的啦，阮毋是欲欺侮汝，是欲成全汝佮貓面指導員的好代誌！」海嫂仔假裝認真地說。
「海嫂仔，汝真實比我這隻肖豬母抑擱較肖，我看汝也是一隻豬母，可惜肖豬母已經有人名過啦，從今仔日開始，咱逐家攏叫伊嬈豬母！」豬母也說後，又提高聲音詢問大家說：「恁逐家講好抑是毋好？」
眾人雖然笑開懷，但「嬈豬母」實在比「肖豬母」難聽，所以並沒人敢附和。可是被戲稱為嬈豬母的海嫂仔，即使當下沒有變臉，但反應卻相當激烈，咬牙切齒地指著她說：「汝這隻肖豬母，家己嬈講別人嬈，汝誠袂好喔！」
「我是肖、毋是嬈，汝是嬈、毋是肖，總講一句，肖豬母佮嬈豬母攏著去揣肖豬哥啦！一個半斤一個八兩，毋通龜笑鱉無尾，抑是鱉笑龜粗皮！汝毋是講過：恁兜彼隻死老猴，七少年八少年就袂用的，老早就無膏啦。既然是按呢，汝這隻嬈豬母佮貓面指導員彼隻老豬哥，兩個配一對拄拄仔好！我這隻肖豬母才來共汝這隻嬈豬母牽猴啦！」豬母也得理不饒人地說。（四）