「夭壽豬母也，汝講話嘛毋通彼粗魯，稍等的若予海嫂仔變臉，彼陣就傷感情啦。」闊喙玉仔提醒她說。
「袂啦，海嫂仔風度誠好，逐家攏是佇滾笑，伊這隻嬈豬母袂變臉啦！」豬母也說後，看了一下海嫂仔，發覺她的臉色有點不對勁，趕緊說：「海嫂仔，咱逐家攏是咧滾笑，汝毋通真實變臉，按呢就歹勢啦！」
「滾笑嘛毋通傷過份！」海嫂仔加重語氣，不屑地說。
「講別人精霸霸，予別人講兩句就變臉，後次啥人敢擱佮汝滾笑。」豬母也不認同地，又加了一句：「毋通豬母變虎啦！」
「莫滾笑就莫滾笑，無啥物了不起啦！汝才是豬母變虎！」海嫂仔不甘示弱。
「減講兩句、減講兩句，一人減講兩句，無啥物代誌，煞煞去啦！」羊哥嫂仔試圖打圓場。
海嫂仔不想再跟她們談下去，轉身就走。想不到剛走了一段路，卻碰到頭戴斗笠，肩扛鋤頭的翠英從山上回來。於是她主動跟她打招呼，並關懷地說：「翠英仔，汝毋通彼搰力，一日到暗佇園內，作甲無暝無日，按呢會拍歹心命。」
「海嫂仔，多謝妳的關心，種淡薄安茨芋家己食爾爾，袂傷艱苦啦！」翠英笑著說。
「鄉里人攏嘛知影，從恁翁過身了後，汝是枷車牛犁耙，硩安茨、播芋、種玉米、種露穗、種大麥、種麥仔，抑擱有番仔豆、符豆，四季蔬菜，會使講種甲逐項有，實在誠無簡單。」海嫂仔剛才在背後批評她，現在當著她的面誇讚她，或許與豬母也翻臉後，有刻意地討好她的意味。由此亦可看出這些婆婆媽媽的嘴臉。
「感謝妳的呵咾，我是盡咱作穡人的本份爾爾，無啥物啦！」翠英低調地說。
「汝作穡倒來，厝內抑擱有真最代誌欲做，煮糜、洗衫、掃塗跤，飼豬、煠豬糜、飼雞鴨，攏是汝一個佇做，孤跤孤手一定會誠無閒。」海嫂仔故意說。
「袂啦、袂啦，我袂無閒啦！厝內的代誌攏是副營長佇做。」翠英據實說。
「副營長佇做？」海嫂仔故裝訝異，「撖講煮糜、洗衫、掃塗跤，飼豬、煠豬糜、飼雞鴨，攏是伊一個佇做？」
「是啦，大部分攏是伊佇做。」翠英毫不隱瞞地說。
「若按呢講起來，副營長實在誠無簡單。伊佇部隊是一粒梅花的副營長，兵仔若是看著伊，攏會立正站好共伊敬禮，擱有傳令兵通服侍。想袂到退伍了後，竟然會放低身段，共汝湊跤手，做彼呢最代誌，實在真了不起！」海嫂仔似乎已慢慢地改變對翠英的看法。
「互相啦！雖然伊未退伍前當過官，但是退伍了後就是百姓。伊講家是相佮的，欲去山作穡伊無氣力，煮糜、飼豬、掃塗跤伊會曉，也願意做，叫我毋免煩惱。我知影咱鄉里內有幾個仔愛講閒仔話的家婆，批評我無良心，叫副營長煮糜、洗衫、掃塗跤，飼豬、煠豬糜、飼雞鴨。聽著遮閒仔話，予我誠見笑。但是阮副營長知影這項代誌了後，伊講別人欲怎樣講隨人的便，叫我毋免管（人因），伊喜歡做、甘願受，人生海海，家庭幸福上要緊。」翠英解釋著說。（五）