「我知影恁翁早死，汝擱嫁一個副營長。聽講副營長人誠好，當兵的時陣也有賰錢，對恁母仔囝嘛真照顧，煮糜、洗衫、飼豬，掃塗跤逐項攏會曉的，實在誠無簡單。講實的啦，素梅若是嫁予恁兜做新婦，也是伊的福氣，這個親情我會盡量來去講，加行幾逝也無所謂，做會成上要緊。但是咱先講予好，我這個老歲仔是靠做媒人咧趁食，咱先小人後君子，紅包毋通袂記的包較大個的，按呢才有起工。毋是我肖貪啦！」罔腰姑仔毋忘為自己爭取利益，又惟恐別人說她貪心。
「阮兜的代誌汝也清清楚楚，我講出來也毋驚歹勢，嘛毋驚汝笑，阮副營長身軀邊賰袂少錢啦！伊講阮囝若娶新婦，除了欲辦一頓好料的請人食，嘛毋收人的賀禮。罔腰姑仔，我共汝保證，這個親情若做會成，絕對袂虧待汝。到時，媒人禮，媒人肉一定會予汝滿意。」翠英保證著說。
「我知影汝講會到、做會到，是一個守信用的人。既然汝有這個誠意，我老歲仔加行幾逝也袂要緊。我會共恁兜的情形，一五一十共素梅（亻因）老母講予清楚，像恁這呢妥直的親情，會使講無塊揣啦！若有好消息，我會來去恁兜共恁講。按呢好無？」罔腰姑仔看看她說。
「罔腰姑仔，感謝汝啦！我咧阮兜等汝的好消息。」翠英興奮地告辭，也期待兒子的喜訊能早日到來；多付一點媒人錢，多給幾斤媒人肉，也是值得的。但願罔腰姑仔不要「媒人喙糊纍纍」，虛應故事才好。
俗話說：「重償之下必有勇夫」自有它的道理。冬至過後的某天，罔腰姑仔風塵僕僕來到翠英家，她老人家開門見山就直接說：「先講的，我是一逝又擱一逝，行甲跤骨痠，素梅（亻因）老母才點頭。」
「有影無？」翠英難掩內心的喜悅，趕緊問詳細。
「這種代誌撖會使相騙的，我是一逝擱一逝，行甲跤骨痠，（亻因）老母才點頭。我有抄素梅的八字來，恁揣一個時間去叫人和看覓，若會合、會好勢，才來講硩訂的代誌。」罔腰姑仔順手把一張寫著素梅的生辰八字的紅紙遞給她說。（一七）