「罔腰姑仔，我毋知欲怎樣來感謝汝才好，想袂到彼緊就有好消息。予汝行彼最逝，實在誠歹勢，按呢好啦，等殺豬羊彼日，我才另外送汝兩支大骨頭予汝燉，通予汝補跤骨。」翠英笑著說。
「大骨湯會補跤骨無毋著，上好汝講話著算話，毋通騙我這個老歲仔。」罔腰姑仔提醒她說。
巧而，副營長從房裡走出來，笑著說：「我保證，一定不會騙妳。」
翠英趕緊為罔腰姑仔介紹說：「這個就是阮副營長啦。」
罔腰姑仔打量了他一下說：「原來汝就是副營長，看起來抑擱誠少年，無成老北貢，親像紳士。」說後又轉向翠英，「莫怪汝會彼好命。」
「汝毋甘嫌啦，是阮副營長的疼惜。」翠英說後，看看副營長。
「恭喜啊，副營長，擱無偌久就欲娶新婦啦！」罔腰姑仔對著他說。
「托妳這個媒人的福氣啦，還得請妳多幫忙。」副營長說。
「我看（亻因）兩個少年家的八字，應該無啥物問題才著，恁擱去斟酌一下較好，免得到時話了了。」罔腰姑仔提醒著說。
「汝講的也是有影，我擱一半日仔就會共汝回覆。」翠英說。
「汝撖有問問恁囝的意思、看伊怎樣？」罔腰姑仔再次提醒說。
「親像這呢妥當的好親情、是欲去著揣呢，爸母作主就好啦。講實在的，少年人若是聽到欲共伊娶某，攏嘛歡喜甲袂食袂睏矣！」
「人講：人若拄著喜事，精神就爽快，一定有伊的道理。男大當婚、女大當嫁，較早咱欲嫁的時陣，嘛是歡喜咧心肝內，毋敢講出喙爾爾。」罔腰姑仔說後，突然問副營長說：「副營長，汝講實話，汝當年欲娶翠英，有歡喜咧心肝內無？」
罔腰姑仔如此一問，惹得副營長哈哈大笑，但他也毫不隱瞞地、以不太標準的本地話說：「有啦，有啦，我有歡喜咧心內啦！」
「有就好、有就好！」罔腰姑仔點著頭，笑著說。
翠英聽後，不好意思地笑笑。（一八）